لو أبا اروح النمسا كيف أتنقل عقب وارووح فرنسا او ميونخ شو وسيلة النقل و كم يكلف مثلا
وعلى الفيزا هل اطلع فيزا لكل هاي الدول ولا كيف بلبيز أبا مساعدتكم
وشو اجرب مكان اروحه من النمسا ومايكلف وايد فرنسا ميونخ او سويسرا و الي عندها اقتراح تخبرني
حبوبه بسياره انا انتقلت من فيينا ( عاصمه نمساا) الى زلامسي ومن زلامسي الى ميونخ!
ولله ما اذكر كم ساعه خذينا !
سويسرا غاليه بس في منطقة ريفيه حلوه قالو لي ومناظر طبيعيه خبال وفرنسا لو رحتي روحي كمن يوم بس ! لانها غاليه بعد
وموفقه صديقتي ف رحلتج واستعيلي بالحجوزات والاشياء … لان نحن ياللللللله ياللللللللله حصلنا سكن عشان نحجز لان الاغلبيه حجزو وخلصو !
للرفع
اختيه
احنا كنا فميونخ يلسنا كم يوم و بعدين سرنا النمسا وايد جريبه يمكن ساعني بالقطار و بعدين ردينا ميونخ و عقبها سرنا سويسرا يمكن 3 ساعات بس انصحج تسيرين انترلانك لان نحن سرنا ميونخ و بصراحه ما عيبتني وايد و مناك سرنا فرنسا طبعا فرنسا غير غير غير انا وايد تعيبني
للرفع
احس انج متلخبطة وما تعرفين وين بالضبط تروحين
اول شي بخصوص الفيزا ( الشنغن )
اطلعينها من سفارة اول دولة بتدخلينها مثلا اذا ناوية تروحين ل ميونيخ اول شي اطلعينها من سفارة المانيا
و بخصوص الترتيب
كم ميزانيتج
وكم يوم رحلتج
وكم عدد الاشخاص الي بيسافرون
وشو وسيلة التنقل الي تفضلون تسافرون ابها
المشاركة الأصلية كتبت بواسطة وتر الشوق 
وعلى الفيزا هل اطلع فيزا لكل هاي الدول ولا كيف بلبيز أبا مساعدتكم
وشو اجرب مكان اروحه من النمسا ومايكلف وايد فرنسا ميونخ او سويسرا و الي عندها اقتراح تخبرني
هلا حبيبتي ….
اول سؤال بجاوبج عليه الفيزا …. طبعا كل الدول اللي ذكرتيهن فيزتهن وحده (الشنغن ) تسوينها من سفارة الدوله اللي بتزليلها اول شي …
بعدين ….
طبعا تقدرين تجمعين اكثر من دوله في سفره وحده ،،، وممكن تجمعين الدول اللي ذكرتيهن كلهن بسفره وحده يعتمد على مدة سفركم وعددكم ….
افضل طريقه للتنقل في اوروبا السياره … لنه التكاسي غاليه جدا …
ممكن النمسا ويا المانيا ….
ممكن النمسا وايطاليا …
ممكن النمسا وسويسرا …
بالنسبه للتكلفه .. سويسرا اغلى دوله وهالشي معرووف بس طبعا تقدرين تروحيلها وما تخسرين واايد مع شويه ترتيب …
انتي حددي شو تبين ومدة سفركم وكم عددكم ؟؟ وان شاء ما بنقصر