السلام عليكم
خواتي عندي سؤال كيف تتصرفون في الطيارة لو عندج ياهل عمره سنه و يرضع طبيعي من حيث الاكل و تغير البامبرز؟؟؟ وهل يستوي أشل وياي أكله فالطياره مثلا روب اوفواكه و عادي أنشل اللترولي ويانا…
جزاكم الله خييييييييييييييييير
انا بعد ابغي اعرف كيف اصرف لان اول مره اشل عيالي معيه وبنتي من النوع الي ماتتحمل طريج كيف طياره مانسير مكان وياها بدون كيس والله حتي الي السوق دبرني خواتي حد قالي اعطيها حبوب,نصيحتكن خواتي جزاكن الله خير
هلا اختيه تسيرون و تردون بالسلامه
هيه اختيه عادي تشلين وياج اكل للبيبي و عادي تغيرين له البامبرز اصلا فالحمام كرمتي فيه شرات الطاوله للبيبهات عشان ترومين تغيرين البامبرز
و بالنسبه للعربانه هيه عادي تشلينها بس ياخذونها عنج عند باب الطياره
وضاحية شوفي ها اللنك توني شفته
http://forum.uaewomen.net/showthread…=219772&page=2
http://forum.uaewomen.net/showthread…C3%D8%DD%C7%E1
جزاج الله خير ريحتيني الله يريحج ويسعج
تروحون و تردون بالسلامه
العام كنا مسآفرين الاردن ،، وكآنت بنت اختي الصغيره
تركض فممرررر الطيآره رآيحه و راده تظحك و تسولف ،، مآرمنا نسيييطر عليها
كله تصيح تبا تمشي ><
المشاركة الأصلية كتبت بواسطة ام عبدالله… 
خواتي عندي سؤال كيف تتصرفون في الطيارة لو عندج ياهل عمره سنه و يرضع طبيعي من حيث الاكل و تغير البامبرز؟؟؟ وهل يستوي أشل وياي أكله فالطياره مثلا روب اوفواكه و عادي أنشل اللترولي ويانا…
جزاكم الله خييييييييييييييييير
او شي بخصوص البامبرز تشلين له بامبرز ومناديل وتغيرين له في حمام الطيارة في طاولة تقدرين تنزلينها عشان تبدلين للبيبي
الاكل
الفواكة عادي
الروب ما ضني يخلونه يدخل بس ممكن في مطاراتنا يسمحون لج بس برع لا
تقدرين تاخذين له روب من السوق الحرة اذا فيه
والترولي عادي ان بغيتي تشحنينها ويا الشنط وتستخدمين تورليات المطار او انج تستخدمينها وعند باب الطيارة تعطينها لهم وهم بيشلونها عن بيودونها عند الشنط