نحن ناوين انشاءالله بنسافر اول سبعه جولة الاردن وسوريا وتركيا ولبنان
وكلهم بالسيارة ….وانا بصراحة حابة اغامر وفي نفس الوقت متخوفة
دائما نسافر بالطيارة وقلنا هالمرة بنغير ونجرب السيارة بس انا وريلي وولدي عمره اربع سنوات
ومعانا خوانا ريلي بنت وولد اعمارهم 12 و15………..ياترى من منكم جرب هالمغامرة وكيف كانت وشو واجهكم في الدرب وشو تاخذون معاكم عشان الطريق………خبروني عن كل شي
اتري تفاعلكم
نحن بنسسـآفر آن ششَـآءالله تركيـآ . .
يوم الجمعة . . الآسبوع اليـآي بس بالطيــآرة . .
والله ماعندي آي فكره . .
هآي آول مرة بزور فيها تركيـآ . .
هلا اختي وتروحو وتردو بالسلامة والله الحافظ انا عن تجربة بخبرج السفر بالسيارة ممتع جدا جدا انا كل سنة والحمدلله اسافر سوريا بالسيارة مع ريلي وعيالي والحمد لله الامور كلها ميسرة وهناك الجو روعة وكل شي متوفر بالطريق والله يحفظ كل المسافرين
مرحبا الغاليه انا بعد وريلي وعيالي معزمين نسير ع اول 7 وبالسياره
السنه الي طافت سرت وبصراحه السيره بالسياره احلى لانج تكونين حره وين تبين تسيرين سرتي
بس شوي بتتعبين في الدرب هذا عادي بس انصحكم تريحون قد ما تقدرون واول شي لازم تشيكون ع السياره عدل بالنسبه للسعوديه بتلاقون وايد استراحات ممكن تريحون فيها
اهم شي تاخذين قهوتج معاج ع شان اكثر الاوقات بتمشون فالليل لان النهار حار
ثانيا اغراضج الي تحتاجينها ونصيحه مني اختي لا تكثرين في الملابس لانج بتتوهقين ولو بغيتي تشترين شي ما بتلاقين مكان
اهم شي تاخذين خريطه للدرب هذا اذا ما تعرفون الدرب عدل
انا انصحج تسيرين المناطق الي ع حدود تركيا صلنفه وكسب واللاذقيه بس لو حبيتي تسكنين اسكني في كسب او صلنفه بتكون تركيا قريبه منكم
بس بغيتج تدعين لي الله يسر امورنا ونسير والله اشتقت للسيره وايد وخاطري اسير لبنان
فوووووووووووووووووووووووووق
المشاركة الأصلية كتبت بواسطة القيوآنيـه *~ 
يوم الجمعة . . الآسبوع اليـآي بس بالطيــآرة . .
والله ماعندي آي فكره . .
هآي آول مرة بزور فيها تركيـآ . .
تسيرون وتردون بالسلامة يقولون تركيا حلوة
وربي يحفظكم وتسلمين على الرد
المشاركة الأصلية كتبت بواسطة ام زايد 7 والله كلامج اسعدني يا الغالية كنت متخوفه وايد من الدرب والمراكز
بس طمنتيني ربي يحفظج