السلام عليكم…
هلا بنات..
انشاء الله راح نسافر فالصيف..وعندي بنت عمرها بكون سنة ونص..
فشو الاغراض اللي اوديها وياي …يعني احس لو شحنت اغراض لــ14 ايام بتكون وايد..
يعني عصايرها..سيرلاك ..حليب ..مراضع..اكل معلب..مدري احس وايد اغراض..
ممكن حد مجرب سفر من النونو..يرتبلي جدول عن الاغراض ..وكم اشل لمدة اسبوعين..
يعني الاشياء المهمة اللي احتاج اخذها وياي..
وسلامتكم..
هلا اختي .. اولا.. لااازم ورقه وقلم تكتبين فيها كل الشياء الي تبين تشلينها..
وتتاكدين منها قبل السفر بيومين ان كل الاشياء جااهزه..
انا بنتي كان يوم كان عمرها سنه وشهرين سرنا ماليزيا
شليت معاي حليبها.. الكميه الي تكفيها المده الي بتروحونها.. انا خذت واحد صغير
مرضعتين بس وفرش التنظيف مالهم..
سيريلاك
اي نوع بسكوت تحبه يكون مافيه جوكوليت عشان ماتخيسج..
وبس.. انا اعتمدت ان الاكل هناك زين ووممكن ناكل منه لانها تاكل من اكلنا
العصاير والكيك متوفره والاكل المعلب ماتاكله بنتي ^^
طبعا لاتنسين باقي اغراضها الصحيه من حفاضات وكلينكس ومعقمات وصابونها ووو الخ
ولااازم عربه حقها بتريحكم ووايد زينه
صح لو كانت سفرتكم طويله احجزيلها كرسي بروحها ابرك.. وااايد تعب ريلي وهو شالنها طول السفر في حضنه والسرير الي اونه للبيبي ما يكفي بيبي بو 6 شهور صغيييير مابتيلس فيه
كل شيء خفيفون وعملي لاتشلين ووووووووووووووايد بس اكلها والبامبرز اخذي احتياطاتج ومراضع
الاهم : ادويه للطفل+ اشيياء تسلي الياهل فالطايره
خذيلها مرضعتين أو ثلاث وفرشة تنظيف المراضع ومعقم للمراضع بتحصلينه في الصيدلية يكون أكياس أو مكعبات أفضل من السائل لأنه احتمال ينصب عنج في الشنطة
وخذي حليب النوع إللي تشربة علبتين كبار وبامبرز بعد الكمية إللي تكفيها
والسريلاك خذيلها النوع إللي تحبة علبة وحدة وسط
والأكل الباقي أتوقع بتكون تاكل عادي الأكل إللي أنتي تاكلينه ولا تنسين توجد سوبرماركتات واايد وفيها الأكل الحلال وخذيلها مناك الأكل إللي تحبة
ولاتنسين تاخذين العربة مريحة ومفيدة
وسفرة موفقة الغالية