نحن ناوين انسافر ع الكويت ثالث أيام العيد إن شالله ع طيران العربيه
بغيت شوركم هل أحجز التذاكر من موقع طيران العربيه أحسن؟
وكيف الدفع عن طريق الفيزا صح؟
انزين الله ايسلمكم انا أحين لما ييت أحجز طبعا كتبت عدد الافراد والتاريخ
ف الموقع يعطيني ان ف اليوم الواحد شي رحتلين للكويت وحده الصبح ووحده العصر
بس انا مستغربه من شي… انا اخترت للسيره رحلة الصبح وللرده بغيت رحلة المسا يطلع السعر أغلى من لو اخترنا سيره ورده رحله الصبح… ليــــــــــــــــــــــــــش؟؟؟؟
ما عندي فكرة …
بس بقولج انا حجزت من موقع booing.com
على يوم الخميس تاريخ 29- اكتوبر
في راس الخيمة ففندق خت كان السعر المعروض 350
بس سعر الفندق يوم دقيت كان 299
يعني احجزي من الشركة على طول احسن لج ؟….
الحجز من الموقع ارخص عن تجربة انا دايما احجز من الموقع خصوصا طيران الامارات
الاسعار تتغير على حسب الوقت
اختي تفرق على حسب الوقت وعلى حسب اليوم
انا جربت احجز تدرين في يوم تكون تذكرة الرجعه لدبي 1000 وشي ويوم الجمعه توصل 2700 بس الرجعه
ويعني انتي تشوفين السعر الي يناسبج وتختارينه هم يعطونج الخيار بس انتي جيكي كل مره قبل الدفع ،،
للرفع
تسلموون ع الرفع حبوبات وانا فعلاَ اكتشفت انه أرخص من الحجز عن طريق مكاتب سفريات لاني دقيت وعرفت الفرق
عزيزتي
السعر يختلف على حسب الوقت والأيام، لأن أكثر شيء ناس يحبون يسافرون على وقت المساء وعلى نهاية إسبوع.
نفس الشيء إذا إنتي بتسافرين في الأشهر (أكتوبر لين مايو) الأسعار بتكون أرخص، أم السعر في الأشهر (يوليو لين أغسطس) بتكون أغلى لأن طلاب المدارس والجامعات إجازة، والناس يفكرون يسافرون هالأشهر.
إن شاءالله وصلت المعلومة 
أنا في هالمجال