يايبه.عمري.حبيبي.
لا تأخر
ابي ترجع قبل ما انام
ابي اتلحف حنانك في
تصبحين على خير مع بوسه على خدي
وقبل ماانسى يبه اسمع
ابي دفتر رسم احمر
وابي اقلام للتلوين
وابي فستان مثل لون الشموس … اصفر
وابيك انته تلبسني
تحمل يبه ارجوك
تمهل يبه ارجوك
شوي شوي يبه وينك؟؟
تعبت انتظر
تعبت اتخيل ايدينك
يبه وينك؟؟
تعبت اسأل زوايا البيت
تعبت اسأل ثوبك المكوي
تعبت اشم عطرك
و
احضن غيابك
تعبت اكذب على دمعي
وارتب عيني وثيابك
يبه وينك؟؟
الف الدار واتذكر
هنا يمشي
هنا يضحك
هنا يجلس
يبه وينك؟؟؟
ويقطع حزن هاالافكار
باب الدار
واصيح بصوت واتحشرج
منو بالباب؟؟
انا مابي لعب واقلام
انا مابي هدايا
انا مابي اشوف اصحاب
يبه وينك؟؟؟
يبه يرضيك حالي الحين
كرهت المدرسه والدرس … ولااحد فيني حس
يبه وينك؟؟؟
كلامي يبه حارق كلامي مر
وانا اقرا في الدفاتر هنا يوقع
(ولي الامر)
مين لي فرحتي تتكحل بعينه
وضحكاته
يبه وينك؟؟؟
نجحت وتحتترق فرحه وسط صدري
تجيني الناس وتبارك
وهذا الحزن بي حارث
ولاتدري اني يتيمه
والسبب
حااااااااااااااادث
*********
منقول
يوم قريتها .gif "12 (3)")
الله يخلي كل واحد لعياله ربي لايحرمهم منه ان شاء الله
الله يحفظ كل اب وام لعيالهم
والله يرحمك ياابويه الغالي
الله يرحم اموات المسلمين احمعين ويرحم والداي كما ربياني صغيرا
يسلموووو على النقله الغاليه….
ولا هنتي
الله يرحم اموات المسلمين ويحفظ كل أب لعياله
مشكووره على اختيارج
الله حلووة الابيات ..جد معبره ودخلت خاطري..
الله يرحم كل اموات المسلمين ويحفظ كل اب لعياله..
اللهـ يرحم جميع موتى المسلميــن
اللهـ يرحم جميع موتى المسلميــن