تنظيف فوط المطبخ؟؟ مساء الخير بنات ياليت كل وحده تقول لنا طريقتها بتنظيف فوط المطبخ اللي نمسح فيها الارضيه والولايب وكل شي للاستفاده ؟ طريقتي بتنظيفها بعدماخلص تنظيف المطبخ انقعها بماء حار وكلوركس وصابون من الليل والصباح اغسلها بصابون وفانش وبس 0 اتمنى تتفاعلو مع الموضوع
انا اغسلها بروحها بالغسالة
عقب غسيل الملابس كلها …احط مناشف المطبخ في الاخير واغسلها …
الفوط طبعا مال المواعين و الرخام فوق بروحه اليوم و اليوم الثاني احط مال الارضيات و الفرن
انا غسالتي اوتوماتك
عقب ما اخلص شغل البيت كله و قبل لا انام احط فوط الارضيات و احط صابون و كلوركس و اضبط الغسالة عالحار يعني اغسلهم بماي حار درجة حرارته 90 درجة مئوية
و اليوم الثاني اغسل مال المواعين عسب ما يختلطون مع بعض
و طبعا لازم اغيرهم كل شهر او شهرين
اتمنى اكون افدتج اختيه
المشاركة الأصلية كتبت بواسطة _أم الأولاد_ 
انا غسالتي اوتوماتك
عقب ما اخلص شغل البيت كله و قبل لا انام احط فوط الارضيات و احط صابون و كلوركس و اضبط الغسالة عالحار يعني اغسلهم بماي حار درجة حرارته 90 درجة مئوية
و اليوم الثاني اغسل مال المواعين عسب ما يختلطون مع بعض
و طبعا لازم اغيرهم كل شهر او شهرين
اتمنى اكون افدتج اختيه
حلوه طريقتج اصراحه وجاري تنفيذ نفس الطريقة
بالنسبه لفوط الي انشف فيهن الصحون والكوبات
مايخيسن لأنهن للتنشيف فقط .. بس اغسلهن بماي دافي وتايد فرك بالأيد واعلقهن ينشفن
بالنسبه لمسح سطح المطبخ الرخام والدولايب في اسفنج على شكل مربع تي بكذا لون
استخدمها ..لكل شي وحده وعمليه وتقدرين تبدلينها كل اسبوعين او كل شهر
تغطينها في ماي دافي وديتول وتمسحين فيها الاسطح تنباع في كارفور
وغسيلها سهل بعد الاستخدام تغسلينها بالفيري وتفركينها بإيدج وماي دافي وديتول وتعصرينها وتحطينها تنشف.
بالنسبه لارضيات البيت والمطبخ بعد ماتكنسه تيب الممسحه نغطها في ماي وديتول وتمسح الارضيات .. وطبعاً تكون عندك كذا ممسحه على الاقل ثنتين وتتبدل شهرياً اذاًالاستعمال يومي.
بالنسبة للمناديل اللي امسح بهم الاكواب والصحون والمواعين عموما انظفهم بشوية فيري وفرك بسيط وبس
الفوط اللي انشف بهم ايدي يوم اشتغل ف المطبخ اجمعهم واحطهم ف الغسالة مع فيري وشوي كلوركس
اما مال الدواليب والرخام انقعهم في الفيري والكلوركس عقب كم من ساعه افركهم عدل
اما فوط الارضيات اغسلهم في طشت خاص فيهم وغلط ينحطون في الغسالة لانه بيكون فيهم تراااب وهالشي يخرب الغسالة (اغسلهم بتايد وكلوووركس )