السلام عليكم و رحمة الله وبركاته
شحالكم
من فتره ادور في القسم موضوع يخص استفساري بس ما لقيت
حابه اعرف كيف اترتبون غتّر رياييلكم
خسارة الكواي إذا ما انحطت صح
فـ اللي عندها طريقه حلوه و مفيده أو حتى لو كان شرح بالصور حتى لطريقة الترتيب في الكبت او التعليق مااعرف الصراحه كيف
المهم اللي بتساعدني لها الأجر
لأني بصراحه احترت احاول ارتب الغتر بس مب عارفه كيف
من خبراتكم استفيد
جزاكم الله خير
اختي عندج العلاق اللي اييج طبقات
طوي الغترة كم طوية
وعلقيها
اهية صح يمكن تتكرفس بس جهة الطويات
بس بسرعة تقدرين تكوينها بس جهة الطويات
الحال من بعضه
اختي أنا أفرده كامله وبعد ما أخلص
أيي أطبقها -اليمين عالشمال وأييب المعلاق
وأدخله من تحت الغتره لين ما أوصل النص
وشيلها وأعلقها وما تتجرفس نهائي حتى عند
الأطراف ..وهاي طريقة اخوانا الاقطريين
طبعا أرش عليه نشا..طبعا النشا بس للغتره الي
تشتخدم مع العقال ودوم خلي الغتره الي تنلبس مع العقال
غير والي للف غير جذي تكونين مرتبه وماتتلخبطين فيهم
أتمنى اني أفدتج وشرحي واضح وأي استفسار عالخاص
وبالتوفيق
ما قصرت الاخت مريوم ..
نفس طريقتها تقريبا ..
احنا نكوي الغتر بالدوبي .. ونعلقهم وبس 
موفقه