يسعدلي صبآحكم ، مسآكم بآلف خير ،، 
اشحالكم ، ان شاءلله مرتاحين 
/
من فتره و انا افكر انزل لكم صور اول شقه سكنتها ،،
و الحمدلله لقيت صورها فالهاردسك و نزلتهم و عدلتهم و الحين بتشوفون ويايه كل شي ان شاءلله ^^
فالبدايه خل اقولكم القصه 
كنت مالجه و تحديدا شهر 6 – 2024 !
ريلي قرر ان يوديني اشوف الشقه الي كان يقولي عنها !
عشان لو عيبتني ،، نتوكل على الله و نأجرها !
مر عليه و سرنا نشوفها ،، و وصلنا و كانت الساعه 6:20 المغرب !
و طبعا آخر وقت عشان الرفيو هو الساعه 6 !
عاد منو قال ريلي بيسكت !!! 
سوا ضرابه و قال بدخل و بشوفها يعني بدخل
و هني يوم يابوله اونه السوبر فايزر ،،
و الحمدلله عقب هالنقاشات كلها ،،
خلونا ندخل نشوف !
و طبعا لاني كنت استحي منه و جي 
و لان القرار كان واقف عليه !!
قالت له توكل على الله و آجرها 
و الحمدلله اجرناها على خير 
،
،
،
يتبع ،، ~>
/
قبل لا احط الصور بعطيكم معلومات عن الشقه ،،
الشقه كانت عباره عن غرفتين و صاله و مطبخ ! غرفه ماستر و الثانيه حمامها مشترك مع الصاله !!!
اسم المشروع : ALkhail Gate 
مكانه : القوز الصناعيه (و هالشي الي خلانا نطلع منها)
سعر الايجار : 41,000 فالسنه (سعر وايد حلووووو،و الثلاث غرف على 52,000) ،~
،
،
،
و الحين بحطلكم الصور من البدايه !
قولوا ماشاءلله ،،،،،،،،
كنا مستانسين عليها 
و جي مثل الخبايل
دوم نسير نتيلس فيها و نصبغ و نعدل خخخ
كل شي فيها سوينااااااه بروحنا ( بالاصح ريلي يعني انا بس اساعد عالخفيف )
و هني الصور هي بتتكلم عني
بسم الله ،~
* المدخل ،، (لاحظوا اكياس ايكيا)
*الشقه قبل التعديل ،،
،
،
،
يتبع ،، ~>
/
* عقب ما ركب الليتات و ركب المكتبات ،،
قال بيبدا بالصبغ قبل لا يحط TV ،،
و انا متحمسه ويآه و بس يالسه اصور
*بسم الله و بدينا الصبغ 
* خلصنااااا
*و عقب ما جف الصبغ (طبعا كان يوم ثاني)
قام يركب الشلفات
و جي كآن الشكل النهائي للشلفات و الTV ،،
* و ترا شي ايدار ثاني انصبغ بس فالممر الي يودي الغرف (بتشوفونه بعدين) و الغرفه بعد انصبغت بس مول ما عندي صور !!
يالله شوفوا الحين عقب ما خلصنا كل شي طبعا هاي اول صور التقطها عقب ما خلصنا على طوووول !
لان عقب فتره غيرنا وايد اشيا ! بس للأسف ما صورت شي ،~
،
،
،
يتبع ،، ~>
/
* الصاله ،،
* المطبخ كان جي مفتوح ،، و هذا البار ،، ~
* هاي المكتبه عقب البار (و اليدار الي ورا هذا هو الممر المصبوغ)
*و هني الممر شوي اوضح ،،(حطينا فيه شلف طويل و فوقه شوي اكسسواريز)
،
،
،
يتبع ،، ~>
/
*الماستر روووم ،،
طبعا الغرفه حجمها اوكي ! و كانت مكفتنا و زود !
انا ما كنت ماخذه مستواليت !!
ريلي ركب لي شلفات و حط لي منظره و كان الوضع Perfectooo
و مجابلنه بعد ركب لي مناظر و تحت المناظر الادراج و حذالهم مكتبه كبيره كنت حاطه عليها وآيد اشيا !
شوفوا الصور و ان شاءلله كل شي يكون واضح !
*هني شوفو الكبت ،، و هناك الشي الي اقصده الي ريلي سوالي اياه !
* من الصوب الثاني ،،
و حط لي ليتات بعد ،،
* شوفوا كيف يوم حطيت الاكسسوارات تحت الليتات ،،
* و هني الصوب الي مجابلنه ،،
* و هاي الغرفه الثانيه ،،
ما كنت حاطه فيها شي ولا مسويه شي !
خليتها للكوي و بعد ترا فيها كبت نفس الماستر بس اكبر ،، !
و بس
اتمنى يكون كل شي عيبكم ،، ^^,
و اذا عندكم اي سؤال و استفسار ،، لا يردكم الا كيبوردكم ~
و نتلاقى في مواضيع يديده
بالتوفيق ان شاء الله
ThXx Alot Honey