شخباركم
عندي سؤال صغيرون بس بالنسبة للمطابخ
شو الاحسن انه نسوي مطبخ
من خشب
و لا من المنيوم ؟؟
وي الكواليتي الزين ؟؟
وبعدين بالنسبة لارضية المطابخ شو أحسن ارضية ؟؟
وياريت الي ادل محلات عندهم مطايخ حلوة فالشارجة تخبرني ..
اترياكم بسرعه قبل لا اطلع العصر و ادور عالفاضي ..
اختي الالمونيوم افضل
عسب الماي والحشرات وهالشغلات
واذا انت حابه الشكل الخشبي
عادي يكون المونيوم بس لونه شرات الخشب مايفرق عنه…………………
بالنسبه للأرضيات اكيد سيراميك مخصص للمطابخ والله اعلم
أختي شوفي الالمنيوم احسن بس يكون تنظيفة تحت عينج لان الخدامات ماينظفن زين وتبين رايي سوي من فوق الكبت العادي وتحت سوي كاونتركامل رخام ومن تحته يكون نفس السلال او الرفوف اسلاك يعني رفوف مفتوحة علشان يكون دايما نظيف والسموحة
حبيبتي كله زين الخشب والالومنيوم صدقيني عن تجربه والله مو من فراغ اقولج ……. بيت أهلي مسويين خشب من سنين والحمدلله مكانه مع العلم أن بيت اهلي قريب من البحر يعني رطووووووووووبه !
المهم اختي الكواليتي الزين ….. هذا رايي حبوبه …. أنا مسويه مطبخين من عند ايكيا والحمدلله اوكي …..صح انه من فتره قريبه لكني سويته وانا مقتنعه الحمدلله ……
والله يوفقج حبوبه
الالمنيوم بلا منافس
من ثمان سنوات ونحن في بيتنا الجديد ركبنا المنيوم ماعليه كلام لابلاوي ولاصراصير ولاريحه ويوم اتنظفينهم جنه البارحه امركبينهم
انصحج فيهم صح سعره غالي بس يستاهل
انا بروحي ما عندي فكره ان شاء الله يفيدنج البنات
بالتوفيق