☆ درس عمل باليت شادوهات + باليت أرواج بالخطوات المصورة ☆

حبيت أراويكن اللي انا سويته
نفس فكرة الباليت

اول شي سويته يبت علبة صغيرة .. أي شي عندج ينفع سواء كان غطاء السي دي أو أي شي ثاني المهم ينفتح على فوق

المهم العلبة كان غطاها بلاستيك شفاف فحبيت اني أبطنه بقطعة ورق ملونه
خذت ورق مقوى لونه بنفسجي

ويبت قلم ملون بس اللي فيه لمعة كلكم تعرفونه اللي كنا نحبه ايام المدارس
في منه فضي وذهبي وكل الالوان مب شرط طبعاً بس أراويكم الحركة اللي انا سويتها

انزييييييين وعقب رسمت بالقلم على الورقة …… أي شي راسمه وطلع معايه جذي

وبعدين قصيت الورقة بحجم الكوفر البلاستيكي ولصقته بشوية صمغ بس على الأطراف وصار جذي

ويبت الآي شااادو المفرد اللي كان عندي
(الشادو كان في علبة بلاستيكية وانا شليت الألوان منها من زمان لنه العلبة كانت كبييييييييره وفيها بس كمن لون)

ولصقت الآي شادو في العلبة باستخدام السوبر قلووووو

تبووون تعرفون شكله النهائي كيف صار وشو حجمه؟
.
.
.
.
.
.
.

شوفواااا

طوله طول الصبغ وايد صغير وكيوووووووووت
وقولوا شال كم لووووون؟

14 لووووووون ما شاء الله
حطيتهم فوق بعض

الحين اقدر اشله معايه كل مكان علبة صغييييره وفيها الالوان اللي انا اباها واحبها
واذا كان عندي عرس ولا مناسبة اقدر اتعدل هناك وانا مرتاحه بحط فيه اسفنجه او فرشاه صغيره و خلاص
وبحط فصوص عالعلبة وبتطلع رووووووعه

ان شاء الله عيبتكم الفكرة

بنات شي فكرة ثانية أحلى اهديها لكن هدية

درس باليت الأرواااااااج:

× × × × ×

انا جربت الفكرة ووايد عيبتني بس بعدني ما كملت باقي الألوان