مرحبا خواتي عندي سؤال و محتاجة جواب أو بالأحرى إقتراحاتكم الحلوه
غرفتي مستطيلة الشكل و تغرفة تبديل الملابس و تكرمون حمام بس تعبت من كثر ما أغير موقع السرير و الكبت فاياليت تقترحون كيف أرتب الغرفة
مرحبا عندج مشكلة البابين في غرفة النوم وهذا متعب بروحه
بس ما قلتي شوه اثاثج الموجود في الغرفة يعني السرير كبير ولا
عندج تلفزيون أو كراسي
او انج بتغيرينها كاااااااااامل
والسموحة
مرحبا أختي إم سيف والله عندي تلفزيوووووووووون كبييير و الكبت كبير و السرير ……
كم في كم الحجرة ؟
إختي الغرفة صغيره يعني من التلفزيون لسرير 7خطوات يمكن أقل أنا خطر على بالي أشتري الغنفه (سووفا)) بوسرير يعنب بالنهار غنفة فالليل سرير….عشان المساحة
لا اختي بتندمين لانه مش مريحة أبدا
بس اذا الغرفة صغيرة حاولي تاخذين سرير بو نفر ونص
ممكن تغيرين والكبت مشكلة في الغرفة الصغيرة والتلفزيون خذي اللي يتعلق في الجدار
الكبت ممكن تحطينة مكان التلفزيون والسرير تخلينه مقابل الكبت سابقا وممكن تاخذين صوفا ام شخصين وحجمها صغير او كرسين بو شخص او كرسي يكون فخم شوي والكمبيوتر استغني عنه بلاب توب صغير او خذي طاولة اصغر والتسريحة خليها في الدرسينق بس مراية مع رف وزولية من ها اليداد امهات الشعر
لان الديكور هو اللي يلعب الدور خاصة في الغرف الصغار يطلع روعه وممكن تشوفين الصور اللي تعيبج في كل ركن من النت او كتالوجات الديكور وتطبقين نفس االشي انا اسوي جيه اختار من الكاتلوج واطبق عليه بالضبط حسب اللون
وممكن تنزلين علاقات من السقف يطلعن حلوات
ويوم تاخذين الاثاث فكري فيه بكم طريقة ممكن تغيرين شكله سوا بصبغه او اضافه شي عليه ويتغير عشان اذا مليتي منه
ان شاء الله اكون افتدج الغالية