سلام عليكن بنات اشحالكن عساكن بخير ؟؟
المهم بنات ابا فزعتكن خلال ها الاسبوعين بتي ام الوالد الي خاطبني عشان تشوفني وخالاته وبنفس وقت عشان يحددون وقت ملجه والعرس شورو عليه شو البس وين اقدر ف راك احصل ملابس حلوه سوى مخور او مغربيه او اي شي حلو ينلبس في ها اليوم لان مول ماعندي وقت واحس ف راك ماشي محلات حلوه جاهزه يبعيون ملابس اوكيه ساعدوني فديتكن
مبروك يا أختي الفاضله والله يوفقج،،، وإن شاء الله الأخوات الكريمات بيساعدونج
سيري مركز البستان ف دبي عنده اشيا وايد حك عرس وملجة ومبروووووك
لبسي مغربي أو مخور أو تنوره وقميص أو دريس
ف السوق الكويتي شي أشياء وااااااااايد رووووعه وخباااااال بس المشكلة تفصيل ماشي جاهز
ماعرف وين ف راك بتحصلين غير السوق الكويتي وما أدل عدل هناك سيري المولات اللي عندكم ودوري أكيد بتحصلين
أو سيري ZARA وخذي تنوره طويله وقميص رافلز أو دانتيل طويل ساتر ووايد ع الموضه وحلو
مثلاً جي
أو من MANGO بتحصلين تنانير ودريسات
وخلاص انحلت المشكلة^^
إن شاء الله فدتج
والسموحه ع القصور
ويا مرحبا بج
موفقه
بالتوفيق بارك الله لكي
ممم ما ادل محلات راك
بس خذيلج جلابيه استرتس قريبه ع الفستان البسيط او اشتريلج مخورة جاهزه والتفصيل ما بياخذ اكثر عن يومين