احترت واييييد و عسى الله يهديني

اممم بقولكم شو استجد فالمشكله اللي كنت طارحتنها ..

عن سالفه خويه والمخدر اللي لقينه عنده / هو عرفه انه خويه عرف واحتشر وتم

يصارخ ويقول انتوا شو لكم خص وها امانه وما ادري شو السالفه وما تعرفون حق منو

حتى انه دفر امايه *_*: بس هي الدنيا بخير عندهااا وتسمح له يتمادى ويغلط وياها وهي

سبب خرابه… وخبروني انها كانت تصيح ويوم سالت عن السبب قالوا لي انها خايفه انه

يتورط في اشياء كبيره ما عرفت شو اسوووي معقوله اخبر عليه / امايه صح انها تحب

المشاكل بس انسانه ضعيفه وايد لو صارت ادنى مشكله اطيح ويغمى عليها …

اخويه راسب في 7 مواد *_* هو اول ثانوي بس المفروض يكون 3 ثانوي واليوم والبارحه

ما يداوم يسهر برا البيت ويا ربعه لا حسيب ولا رقيب ابويه ما ادري ليش ما يتصرف ويقوله شي…

سالفه ابويه /

فالليل الساعه 2 من كل ليله يبند على عمره الغرفه ويحط التيلفون اسبيكر ويرمس ويا وحده ونحن

نسمع ماشي مستحى واحترام لعياله … ابويه تيلفونه شرا تيلفون اخويه الصغير اللي عمره 13

وريت التيلفون فالصاله اتحرى تيلفون اخويه الصغير شفت مسجات وبلاوي والله تحريتهن مسجات

اخويه الصغير ما توقعت شخص كبير يكتب مسجات جيه !! وسرت حتى خبرت خويه عشان يتفاهم

وياه بس بعدين قالوا لي انه ها تيلفون ابويه !!! وانه كان يدوره ومحتشر !! والله انصدمت المهم

هايج الليله حاط البنيه سبيكر والله تسمعون الكلام يقطر عسل !! وحقنا نحن سم *_* سار اخويه

الصغير وخبر امايه وقالها شوفي "ريلج" ما يقول ابويه يرمس بنااااااات فالليل اسمعي شو يقول

تمت تسمع خلاف دقت الباب ,,, ,, وظهر وعادي عنده…

مشكلتي انا

مشكلتي انا انه قالوا لو تبين تشتغلين سيري واشتريلج سياره بروحج و اييبلج دريوليه انتي ادفعي

عنها كل شي بالاضافه لمعاشها وكل شي ,, انا الصراحه انصدمت لانا عندنا 4 سياير فالبيت ليش

ما يعطينا وحده منهن بس هو مب طايع قلت له بنتعاقد ويا حد يوصلنا ويردنا قال لا !! قلن له انزين

بنسوق شوي بنوفر قال لا ..!! وقال لازم سياره غاليه بعد!!

الصراحه ابويه ما يصرف عليه درهم واحد ،،، ياخذ معاش الشووون مالي يعطيني نصه عقب موت

هالبيزات قولوا 2024 درهم لازم اشتريبهم كل شي ابتداء من الاكل لانه اتيي ايام تلقون الثلاجه تصفر

لو بغيت اخيط كنادير حتى القطعه اشتريها حتى اغراض الجمعيه لو بسير عياده خاصه عشان اسناني

او شي لازم ادفع من عندي يعني درهم واحد ما يطلع منه ما اعرف هل ها ايوز او لا مع الكل جذيه

البيت + الماي + الكهربا كله بلاش الحمد لله الحكومه دراست اختي فالجامعه بلاش من لاب توبها

الين غدها ومواصلاتها … هل هذا يجوز انه ما يدفع ويحملنا مسؤليه كل شي ؟؟

المشكله الكبيرررررررررررره والصاعقه الكبرى

خواتي الصغار عندهن علاقات هاتفيه وامي وابويه يدرون وكم مره لمحت لشي هذا بس ما يتصرفون

امايه كل تقول فلانه تعرفون منو ترمس ؟!!!!!!!! اونه نخاف حد من الشعبيه ويفضحنا !! شوفوا

التفكير بدال ما يفكرون في البنات اليهال يالسين يفكرون في خرابيط … كم رمستهن وينكرن

وحده تنش تقفل على عمرها فالحمام الله يعزكن وتهذرب شو معناه هالشي انا متاكده من اللي يصير

وهم متاكدين بس ساكتين !!!

بنات اتييني ايام والله ايأس واتييني ايام اتعوذ من ابليس واتييني ايام اوصل حدي انا وايد متلتهه ..

سكت انقهرررررررررت ، رمست انظربت وسمعت كلام مثل السم … شو المفروض اسوي .؟