.
:
السلام عليكن و رحمة الله ..,
شحالكن خواتي عساكن بخير ’؟
شي موضوع شاغل بالي من يومين ، و احترت الصراحة ..,
برمس بشكل عام .. إذا المعلّم ما كان كفو يدرّس المادة اللي هو مختارنها ..
شو لازم يسوي الطالب ..!؟ يصبر و يقول بيتعلّم مع الوقت ..!
ولا يروح الإدارة و يقول هالمعلّم ما يصلح يدرس .. و السبب
كذا و كذا و كذا .. و تتوقعون الإدارة بتسمع الطالب ولا بطنش و بتقول
أصبروا عليه بعده يديد ، و بيتعلّم إن شاء الله .. و مب المفروض أنه يكون
مدرّب و عنده القدرة على التدريس قبل لا يتوظف صج .. !
أتكلّم عن معلّم يدرّس ثانوية و هو مستواه
تدريس ابتدائي .. أو روضة .gif "12 (58)")
..!
أعرف إنه شي مدرسات هنيه فأبا رايهن بعد ..
شو المفروض يسوي الطالب بـ هالحالة ..!؟
/
.
:
أفا .. ردن عليّه عسب أروم أقرر أسير عند الإدارة
باجر ولا أصبر عليها و ربيه محتارة >< ..!
/
حبيبتي انتي طالبة كيف حكمتي على المدرسة انها ما تعرف تشرح
وبعدين في موجهين سنويا يقيمون المدرسين مب انتي اللي تقيمين
واحسج لو سرتي الادارة بيسوولج سالفة بيقولولج توا اول السنة ويايين تتشكوون غير المعلمة اللي بتاخذ منج موقف اكيد وترا الادارة موو بايدها لا تشل مدرس ولا تحط مدرس والوزارة تنقل المعلمين على حسب الشواغر وموول ما يهتمون بالكفاءة
بس اكيد اهي تشرح مستحيل مكتفة ايدينها ويالسه فالصف بس بدون شغله والا مشغلة
اختي اعتقد كل مدرس يختار المادة الي هو متخصص فيها او قريبة من تخصصه
بس احيانا يكون ماعنده اسلوب يوصل فيه المعلومات بالرغم من انه متمكن من المادة ومعلوماته مفيدة ووايدة
فباهتمام الطالب يجدر المعلم يوضح اكثر ويخدم الطالب
:
أم زيودي ..
حبيبتي انتي طالبة كيف حكمتي على المدرسة انها ما تعرف تشرح
و لأني طالبة قدرت أحكم ، مب الطالب هو اللي المفروض يفهم ..؟
و إذا ما فهم ها يدل على شو ..؟ّ!
أنتِ بروحج قلتيها الكفاءة .. نحن شو ذنبنا أنزين نتبهدل ويا المعلمة
طول السنة .. السنة اللي طافت بعد أستوا نفس الشي الأبلة كانت مول
ما تعرف تشرح ، و بالغصب نجحنا فـ المادة .. ها و أنا بحياتي ما نزلت
عن الـ 95 .. و آخرتها أييب بـ الـ 60 ولا 70 ليش ..؟!
ترا شرح المعلمة وايد يأثر ، حتى لو الطالب متفوق لو
المعلم ما يعرف يشرح يندمر الطالب بالمادة ..!
و ترا الأبلة طيوبة و كل شي بس الواحد يحكم بالعقل
مب بالمشاعر .. لو قلت لكن أكثر أتوقّع راح توافقوني بالراي ..
بس أنا ما أبا أرمس عنها عسب جي حطيت السالفة عاماً .!
واحسج لو سرتي الادارة بيسوولج سالفة بيقولولج توا اول السنة ويايين تتشكوون
هييه أعتقد أنها بتحتشر عليّه >< مع أنه المفروض العكس الإدراة تتقبل راي الطالب و تسمعه ..
و تراني مب رايحة أشتكي بس أباهم أييبون لنا أبلة غير لييش أضيع على عمري سنة ..!
المعلّم إذا ما حب شغله ما يقدر يعطي فيه ..
تسلمين الغالية f "
/
.
:
العناء ، حياج الغالية ..
صج كلامج يمكن عنده معلومات و جذا بس ما يعرف
شقايل يوصل المعلومة .. و ربيه مضايجة وايد ما أعرف
شو أسوي ، أحب هالمادة و شكلي بكرهها هالسنة .،!
تسلمين ع رايج f "
/
عااااااااااااااااااااااااااااااااااااااااااااااااا ااااااااااادي تحصل في ارقى المدارس