أبي مشورتكم بسؤال شغلني مع لبس السفر

انا عن نفسي
البس في السفر مثل ما البس في الامارات
حتى اسكارفات في السفر ما البس

تعرفين في بنااات يلبسووون الشيل غصبن عنهم والود ودهم يطيحووون الشيله (( البعض مب الكل ))

والحمدلله ف بنااات محتشمات ويخااافن الله

على حسب طبع وشخصيه كل وحده
انا البس سكارفات مع عبي
والبس قمصان طويله وسيعه وبناطلين واسكارفات
يعني من كل شي بس حب تغييير لا اكثر والحمد لله احاول احتشم في لبسي حتى ولو بدون عباه التزم انه يكون وسيع ومب شفاف ولا محدد

لا ولما تشوفينهم برع تسألينهم إنتو مال وين بكل برود يردون مال الامارات… مستحيل أنا أشوف من وجهة نظري بنت الامارات أبا عن جد تكشف شعرها جذام الناس ..يعني مول لا عباه ولا شيله بس جنز وقميص والشعر مفلول لا والمصيبة الزوج واقف خبر خير … ما أقول غير الله يستر علينا وعلى إعيالنا.

اوكي العباه عقينها بس الحجاب ما عقيناه ونلبس جاكيتات طوويلة وتحت بنطلون واحيانا لقنز (للتغير لا اكثر)

والسموحه من الجميع الي معصبين مني عسب الموضوع الي حطيته

المشاركة الأصلية كتبت بواسطة اسوومه

اوكي العباه عقينها بس الحجاب ما عقيناه ونلبس جاكيتات طوويلة وتحت بنطلون واحيانا لقنز (للتغير لا اكثر)

وفوق هذا انا يوم كنت مسافرة تامه في لندن اربع شهور عسب جي نغير شوي من لبس العبا والحجاب ع راس ولا تطلع اي شعره

والسموحه من الجميع الي معصبين مني عسب الموضوع الي حطيته

( أنا بالنسبه لي أطري اللي ما يلبسون شي بالمره لا عباه ولا شيله … لا معصبه ولا شي من موضوعج أبدا يا الغالية … وأولا وأخيرا الله خلق في كل وحده عقل تختار اللي يرضي ربها… وبيني وبينج بعد مالنا حق نطريهم ذنبهم على جنبهم .. لبسو ما لبسو الله بيحاسبهم بس القهر يوم يقولون من الامارات)