السلام عليكم و رحمة الله و بركاته
شحاالكن بنات زايد ؟
عساكن ما تشكن باس =) ..
غالياتي اليوم موضوعي بسيط ليتكن اتجاوبن ع الاسئله ثرها في خاطريه من زمان
و ما شيء قلت بنزلهن اليوم لاني لو اتأجلت زيادة ما بنزل و لا شيء هع
* معرسه و لا بعدج ؟
* شو تلبسييين في البيت ؟
* شو تلبسين في يمعات اهلج الكلووز واايد ؟
*يوم ويا ربيعاتج اتيمعون شو تلبسن ؟
و بس ^_^
يا مرحبا بكن
أنا ببدا ..~
بسم الله
* معرسه و لا بعدج ؟
بعدني بنت ^_^
* شو تلبسييين في البيت ؟
اممم اغلب شيء بيجامات ، و جلابيات باردة ^_*
* شو تلبسين في يمعات اهلج الكلووز واايد ؟
اممم على حسب يوم مودي اوكي ،اكشششخ ، قمصان و بناطلين "ماعق العباه يوم البس بنطلون" و لا تنانيير راقية
و احيانا جلابيات غاوية ^^
و يوم مب متفيجة وايد ماعق عباتي ، بس البس اسكارفات و ارسم عويناتي
*يوم ويا ربيعاتج اتيمعون شو تلبسن ؟
احب اكشخ قدامهن ، تنانير ساعات و اغلب الاحيان بناطلين بس ماعق عباتي
و لو في بيتنا جلابية مرتبة و مميزة =)
المشاركة الأصلية كتبت بواسطة ; * معرسه و لا بعدج ؟
معرسه يوم اكون عند ريلي ..يوم عند اهلي احس عمري بنت 
* شو تلبسييين في البيت ؟
فبيتي ويا الريل طول النهار بناطلين او شورتات او قصير او بيجامات او تي شيرتات اما الليل المتعارف عليه طبعا قمصان نوم ..
جدام اهل ريلي اللي وياي فنفس البيت ..كنادير خفيفه ويا شيل ملونه
اما يوم بطلع من بيتنا لبيت الحريم الكبار طبعا نفس الحوش بيت يدته و عماته ..البس كنادير او مغربيات ..او لبس هندي خفيف ..او لبس جاهز فيه شغل ويا شيل ملونه ..
ويوم اكون فبيت اهلي تامه عندهم ..تكون فتره ريلاكس ..ارجع بنت عزابيه البس لبس مريح بيجامات او تي شيرتات او بنطالين وقمصان ..
* شو تلبسين في يمعات اهلج الكلووز واايد ؟
بنات العايله يتجمعن فاحب اكشخ واشتري يديد مثل تنوره وقميص او فستان خفيف ناعم بدون شيله وعباه اذا فبيت اهلي لو اهل ريلي البس عباه وشيله
*يوم ويا ربيعاتج اتيمعون شو تلبسن ؟
تنوره وقميص او فستان خفيف ناعم ولازم عباه وشيله
المشاركة الأصلية كتبت بواسطة مناكير فوشية 
* معرسه و لا بعدج ؟
عزااااااااااااااااابية فديتني
* شو تلبسييين في البيت ؟
ف البيت البس بجاية طبعا
* شو تلبسين في يمعات اهلج الكلووز واايد ؟
احب البس بناطلين بس الحين ابغي اتستر اوني ….تحجبت يدام عيال خالتي الصغار ههههههههههههه
فابغي اودر سوالف البناطلين خخخخخخخ و بحاول البس تنانير
*يوم ويا ربيعاتج اتيمعون شو تلبسن ؟
طبعا ويا ربيعاتي فديتهم بعباتي لان نحن نظهر رباعه نروح الشونبق ولا مطعم و لا سينما او لو سرت بيتهم بعباتي ما اعقها ولو شي مناسبة البس قميص و تنورة او فستان بسيط يكون ساتر
بجامات P=
* شو تلبسين في يمعات اهلج الكلووز واايد ؟
بدله كيوت + عباه طبعا ههه ، امم ساعات بدي وبنطلون او برمودا وساعات كويتي وساعات بدي وتنوره وساعات بدي وتنوره قصيره ولقينز وساعات فستان قصير ولقينز وساعات فستان طويل شرات فساتين مانقو ، وأحيانا ألبس عباه رااقيه وتحتها الله يستر خخخخخ
*يوم ويا ربيعاتج اتيمعون شو تلبسن ؟
نفس الشي ^.^
* معرسه و لا بعدج ؟
معرسه
* شو تلبسييين في البيت ؟
جلابيات عاديه او مخور او بيجامات
* شو تلبسين في يمعات اهلج الكلووز واايد ؟
مخور او جلابيات او مغربي
*يوم ويا ربيعاتج اتيمعون شو تلبسن ؟
مخور اكثر شيء واحيانا مغربي
* معرسه و لا بعدج ؟
على وشك
* شو تلبسييين في البيت ؟
اغلب الاوقات بجايم ,, ومرات يوم اتفيج بناطيل وتيشيرتات
* شو تلبسين في يمعات اهلج الكلووز واايد ؟
هني عاد اتفنن ماخلي شي غريب عجيب ما ألبسه ولازم ع الموضه وتكون الألوان فاقعه أعوض اللي ما اقدر البسه برا في البيت والجمعات الحريمية من بناطيل وبرمودات وبلايز وفساتين وتنانير كاجوال خفيفه وقصيرة <<< اموت ع القصير وكل شي فنتك وترندي
*يوم ويا ربيعاتج اتيمعون شو تلبسن ؟
نفس لبسي القبلي ولان ما البس إلا العبي السادة برا فما أحب اقعد فيها بالجمعات يعني هيك شي …..
حلو موضوعج يعطيج العافيه خيتي ……