الموضوع فديتكن عن تعطير العبي
شفت كذا موضوع يسألون عن الطريقه اللي تثبت الدخون والعطور في العبي
جربت كم طريقه من مخي << بتاخذ براءة اختراع الطيبه!!
هالطريقه عطتني نتيجه عجيبه فاعتمدتها..
1- كويت العبااه بكواية البخار كوي محترم ..يعني طولت لين صار رطبه تقريبا
2-حطيت عطر عربي دهن .ودهن عود
3-عقب حطيت المدخن تحتها لمدة لا تقل عن 10 دقايق ,
4- اخر شي دخلتها في كيس العبي << تعرفونه صح بو سحاب ^^
ملاحظة:{ الغرفه اللي بتسوين فيها الدخون للعباه او البدله لا تشغلين فيها مروحه أو اي سي}
هالفتره صادفت أكثر من وحده يسألوني شو عطرج..لان ريحتي صايره غييير<< السر!!
هالعطر
[img]http://www.***********/index.php/files/guest/26013284jpg.jpg[/img]
ريحته ابدا ابدا مب طبيعيه ياناس
حتى لو مب مدخنه..ريحتج دخون عربي على فرنسي جي ريحه خشبيه غريبه
أول مره أجربه ..ياني هديه..
وسلمتم
copyright : super lady
.
.
آها
هاي انتي
وانا من الصبح اشم ريحه حلوه
تسلم يمناج حبيبتي ..
بغي اسال عن العطر .. من باريس غاليرري صح ؟ وبكم سعره ؟؟
وملاحظه عندي : للكل ::
خواتي تحملن .. تحملن
اذا اي ريال اجنبي وغريب شم ريحتج عطر ودخون تراج …………… ؟
فاخذوا راحتكم فالعطور والدخون فبيتكم ..و عزايم الحريم والاعراس ..
نصيحتج في مكانها.. وانا بعد ابري ذمتي .. يعني هالطريقه مب حق المولات ولا الدوامات المختلطه
الحمد لله مكان شغلي كله حريم
sweeet فديتج ماعرف سعره ياني هديه
شايفته في كاريزما وباريس غاليري
الاحسن اتجربينه يمكن ما إيي على موووودج 
اشدعوه 32 زيارة = رد واحد..
شكلي بحذف الموضوع ماله داعي 
شكله روعه العطر
بس انا مول ما ادخن عباتي لاني اخاف حد يشم الريحه حتى لو سايرة عند حريم اوعرس ما ادخنها ترى اخاف وانا نازله من السيارة حد يشمني وطبعا دوم الاحظ في رياييل يكونو منزلين اهلهم عند باب صاله العرس بس اكون مدخنه عمري وبعدني اشك ان حد يشم ريحتي هههههه (معقدة)بس مافيني عالذنوب
مشكوره يالغاليه على الطريقة
وان شاء الله بجربها
مب لازم ردود انا حطيت الموضوع للاستفاده
مشكورات خواتي اللي ردوا