السلام عليكم ورحمة الله وبركاته ..
شحاااااالكم خواتي ؟ عساكم بخير وصحة وسلاااااامه يا رب ..
فديتكم أنا تعبت من المكياااااااج ومحتاااااارة وأبغي مساعدتكم ..
رحت باريس غاليري >> على أساس إنه أفضل محلات المكياج !!
وخذت من عندهم بودرة ( كانيبو ) أكيد تعرفون هذي الماركه ، وااايد مدحتها لي البايعه وقالت لي انها بتانسبني وما يحتاي لها كريم أساس وتغطيتها ممتازة ومناسبة للاستخدام اليومي والعملي ..
وخذت الدرجة المايلة للوردي !!!!!!! واهنا الطااااامه الكبرى
كل ما أحط منها يصير ويهي رمااااااااادي ؟!!
حتى خواتي يوم يشوفوني يقولولي ليش ويهج رصاصي ؟؟
دايما آخذ البودرة تكون على درجة البيج ،، بس الله يسامحها قالت لي انه البيج يخلي ويهج ترااابي
كأنه تراب عليه ،، أما الوردي يعطيج نضارة ..
وقريت في موقع انه البودرة المايلة للوردي للأوروبياااااااااااات فقط !!!!!!!!
وما تناسب بنات الخليج وخاصة الحنطيااات ..
والله اني محتارة ويا ليت ألقى عندكم الحل لمشكلتي لاني واااااااااايد عانيت
وكل يوم والثاني بودرة يديدة وكريم اساس يديد !
أنا بشرتي حنطية وتعاني من بقع حب الشباب وعندي هالات سوده حول العين .. شو رايكم يا خواااااتي
مالي غيركم ساعدوني بشو تنصحوني ؟؟؟؟؟؟
جربت كونسيلر من عند ايف سان لوران
أحسه مب حلو ! يبرز الخطوط بشده حول العين ؟؟
بس خذت من عندهم ( بيس ) لونه وردي وعندهم وااااايد الوان ما عرفت الفرق بينهم ؟؟
انوا شو رايكم ؟ انا في الجامعه ومن اللي يحبون المكياج والكشخه
بس والله مو عارفه شو الزين ؟؟
شو اللي يناسب الاستخدام اليومي
من بيس + كريم أساس أو بودرة مضغوطه + كونسيلر
ومن وين أخذهم ؟
وشو رايكم بكونسيلر من بودي شوب ؟
يا ليت المحلات اللي بتقولون لي عنها تكون في الشارجه أو عيمان ^.^
وتعطوني لمحة عن أسعار المنتج ..
وشاااااااااااااااااكرة لكم مقدما حبيبااااتي
وأنا في انتظااااااركم دخيلكم لا تهملوني 🙁
حبيبتي هذيلا دايما يغشون … وهالشي معروف عنهم … استخدمي بودرة شيسيدو والا قير لاين .. ثنتينهم روعه فالاستخدام
للرفع …
الأساس في اختيار المكياج هو الاختيار الصح للدرجة اللتي تناسب بشرتنا….
بالنسبه لي استخدم البس من ايف سان لوران رقم 3
وكونسيلر من ايف سان لوران رقم 3
وبودرة مضغوطه للبشره الدهنية من شيسيدو رقم 3
وأحس بشرتي تطلع كأنها طبيعية….
على فكره أنا أحب أستعمل درجه أغمج عن بشرتي بدرجه…لأن شكلي بيطلع غلط لو استخدمت درجه أفتح…
أنصحج تجربين في المحل قبل لا تشترين أي شي…
السلام عليكم
حبيبتي انا استعمل كريستيان ديور الاساس بخاخ والبدرة وثنينهم من باريس غاليري رقم 100 لاني الحمد لله بشرتي فاتحة
والحمد لله وايد مريحتني وفيها درجات حسب لون بشرتج
والله يوفقج
لا !!!!!!!! حبوبة.. لازم اتجربين قبل.. لا تشترين…!!!
المهم انا قبل مثلج.. دايما جي.. بس في الاخير قمت شو اسوي…؟؟؟
قمت اسير الصبح عندهم واجرب على كامل ويهي الكريم الاساس واحط مال الخدود و كل شي.. والروج..
وعقب اخذلي لفة جي ساعة ساعتين في المركز و اتسوّق وااخر شي ادخل الحمام عزكم الله بس علشان اشوف اذا ناسبني ولا لاء؟؟ وبعدين اسير باريس جاليري مرة ثانية واشتريمنه ولا لاء؟ او اغير الدرجة اللي ابغي.. 
وجي ظهرت هاي التجربة 1000% ههههههه..
للرفع