أمس سرت NARS تعالوا شوفوا شو شريت من عندهم ^_^

هلا خواتي الغاليات

امس الله يسلمكم سرت وجوه بس علشان أشتري من ماركة NARS لاني الصراحه وايد احب ها الماركه

المهم شريت منها شوية شغلات وحبيت أراويكم اياها وان شاءالله تعيبكم ^_^

شريت روجين مات واحد احمر والثاني بني فاااااااااتح وروجين على شكل قلم بعد مات واحد برتقالي يخبل الصراحه والثاني بني فاتح بعد والصراحه انا وايد احب الارواج اللي على شكل أقلام لانها مات وثابته وثاني شي تقدرين تشيلينهم وياج بسهوله في اي شنطه *_^
وشريت بلاشر برتقالي فاااااااتح بعد روعه وشدو لونين بيج وبرتقالي بلمعه وايد حلو وتحسين اللون بسرعه يطلع اذا مسحتي عليه بالفرشاه مب مثل بعض الماركات بصعوبه اللون يظهر .. وخذت بعد البرايه مال اقلام الروج الصراحه وااااااااايد عيبتني لان عليها غطاه وشكلها كيوت

وهاذي صورتهم وهم مغطايين هههههههه

وهنيه بعد ماشلت عنهم الغطي هههههه

وبعد ما أخذت ها الاشياء قلت حق اللي تبيع ابا مثبت مكياج جان أتيبلي منتج وقالتلي انه بيس وفي نفس الوقت مثبت وقالتلي تقدرين تحطينه على كامل الويه حتى على لعيون .. ولونه وردي وبسرعه يجف يوم تحطينه على البشره ومكتوب عليه بيبي فيس والصراحه عيبني وشريته ^_^ وهاذي صورته