السلام عليكم والرحمه بنات ..
شحالكم حبايبي؟
انا سجلت فالمنتدى مخصوص عشان هالموضوع اللي بكلمكم عنه ، من كثر ما نفعني قلت لازم انفع غيري فيه
والله العظيم يا بنات انا جربت زيت الزيتون يايبتنه من العطار يعني طبيعي واصلى 100٪ ( مب اللي فالجمعيات وغيره) ونفعني وااااايد من كل النواحي وخاصة بشرتي ، انا الحمدلله من اول مابلغت و ويهي صافي الحمدلله بس يوم بديت اكبر شوي بديت الاحظ الحبوب تطلعلي وقت الدوره أو احيان اذا استخدمت المقشر تطلعلي بعد يعني المهم بديت الاحظ الحبوب ف ويهي ، يت فتره قلت خلاص انا ببدأ اهتم ف نفسي وخذيت لي كم غرض من العطار واماكن ثانيه ، بقولكم شو كنت اسوي بالضبط :
1- قبل لا ارقد اتسبح وبعدها ارطب جسمي بمرطب طبي غير معطر اسمه Cetaphil ( اسمحولي كتبت الموضوع بتلفوني وماعرف كيف انزل الصوره دوروله فالنت بتحصلونه لونه ابيض)
2- استخدم مقشر الشفايف من محل Lush اسمحولي مب متأكده من الاسم بس مب شرط تستخدمون هذا تقدرون تسوون مقشر بسيط فالبيت عباره عن سكر وزيت زيتون بس طبعا السكر لازم يكون اكثر بشوي من زيت الزيتون + اتركه لمدة خمس دقايق وعقب امسحه واحط مرطب شفايف
3- اهمم اهمم اهممم نقطه هذي = اخذ قطنه واحط فيها زيت الزيتون وامسح ويهي بهالقطنه والله العظيم يا بنات هالنقطه هي اللي غيرت بشرتي واختفت مني الحبوب والسواد وكل حد قام يقول لي بشرتج صافيه ماشاءالله وتأكدو اني لو ماكنت ابا انفعكم مابظركم عشان جي حبيت اقدم هالنصيحه ❤ + اي فرشاة مسكره عندج قديمه اغسليها عدل وحطي عليها شوي زيت الزيتون واستخدميها ف رموشج كأنج يالسه تحطين مسكره وحاولي تتأكدين انها وصلت لاطراف الرموش ولو تبين تمشطين حواجبج فيها بعد ممكن عشان تكثفين حواجبج
معلومه اضافيه حق اللي تبا تطول اظافرها وتقويهم : زيت الزيتون وااااايد روعه حق الاضافر ، افركي اضافرج بالليمون + حطي زيت الزيتون ف صحن وحطي اصابعج عليه يعني خلي اضافرج تتغمس ف زيت الزيتون لمدة 10 دقايق ( انا ماجربت هالشي أمانةً بس شفت بنت خالي اضافرها طولت بسرعه وقالتلي عن هالطريقه ) بس انا عن نفسي امسح ايديني بعد بزيت الزيتون عشان جي لاحظت اظافري بدت تطول
والله يا بنات زيت الزيتون الاصلي ينفع حق كللل شي لو تبين ترطبين جسمج او تطولين شعرج او تكثفينه او او او… زيت الزيتون واايد ينفع ❤ وضروري تاخذونه من العطار لان اللي فالجمعيات وهالاماكن مايكون اصلي ومامنه فايده ف الافضل تاخذونه من العطار .
اسمحولي حبايبي طولت عليكم بس حبيت افيدكم ويعطيكم الف عافيه ، واللي جربت اللي قلته عن زيت الزيتون تخبرني شو صار وياها 
جزاك الله خير روضه 
وفي شيئ ثاني عن زيت الزيتون رووعه ..بعد الشاور الساخن توزعين زيت الزيتون علي الجسم وبعد دقيقه
شطف الجسم بالماء الساخن بدون صابون يعني نترك بقايا الزيت علي البشره ثم تجفيف البشره ,والنتيجه
بشره ورديه لامعه ومشدوده وكلها حيويه ,,وهذا بأي نوع زيت زيتون ومن أي مكان. حبيبي زيت الزيتون
المشاركة الأصلية كتبت بواسطة سماءالأفق 
وفي شيئ ثاني عن زيت الزيتون رووعه ..بعد الشاور الساخن توزعين زيت الزيتون علي الجسم وبعد دقيقه
شطف الجسم بالماء الساخن بدون صابون يعني نترك بقايا الزيت علي البشره ثم تجفيف البشره ,والنتيجه
بشره ورديه لامعه ومشدوده وكلها حيويه ,,وهذا بأي نوع زيت زيتون ومن أي مكان. حبيبي زيت الزيتون
يعطيج العافيه عالمعلومه فديتج ، بطبقها ان شاء الله ❤
بجربه اليوم و ان شاء الله ينفع
يزاج الله كل خير
يسمر البشره
انا الصراحه مالاحظت هالشي فيني بالعكس ،وامي وخواتي مجربات هالشي وماسمرو بس يمكن بشره عن بشره يختلف بس ماظن