السلام عليكم ورحمة الله وبركاته
بنآات انقذووووني
امس شقرت في ويهي فالصالون الي متعوده اشقر عندهم وكل مره يكون اوكييه والكل يمدح فيه .. لكن امس الي تسويلي مربيه وسوت لي الثانيه . . الله لا يراويكم كيف حرق ويهي ولما خوزته كان ويهي عادي بس احمر ومن رجعت البيت حسيت انه طلع لي حبوب صغار في الخد وتحت الشفايف واحمرت خدودي وصارت جيه ملمسها خشن وفي مكان مبين انه احترق بس خفيييف
رحت العياده ماقدر يعطيني شي وباجر عندنا عرس 
استخدمت سودو كريم بس احسه بعده . . ابغي حل سريع
وشو احط قبل الميكب باجر . . مابغي ويهي يبين انه محترق
بتريا يوم السبت وبروح عياده جلديه >< وين تنصحوني انا من الفجيره
الف سلامة حبيبتي وابعدي عن التشقير لانه بشرتك تصير حساسة الحين حطي ماي ورد بارد وخيار وبطاطس اعمليها ماسك كثير حلوة وبكرة خلي الماكيرة تحط لك كموفلاج وبعدها حطي كريم الاساس او البودرة المائية وربي يشافيك اختي
نصيحة مني والله بتدعيلي كريم ميبو مال الحرق اركضي حطي منه وداومي عليه باجر ويهج بيكون تمااااام
هلا حبيبتي انا تقريباا من شهر استوت لي نفس الحركة … انصحج ب سودو كريم و ميبوو وكنت احطهم مثلا واحد الصبح والثاني المسااء وحتى وانتي راقده والحمدلله راحت الحبوب وبعد انصحج ب الثلج .. بس عقب اسبوعين طلعت لي نفس الحبوب ف نفس المكان ومع اني ما سويت ورحت الصيدلية وقلت له ابا كريم للحساسية وعطاني كريم اسمه بيتازول والحمدلله يومين وراحن …
اختي ارجعي للصالون وخبريهم باللي صار
المفروض يعطونج كريم في هالحالة
اتمنى لك الشفاء العاجل
اختتي انتي تحسستي من التشقير حطي كريم ميبوو اليوم وباجر وبيخوز باذن لله
لا تخافين
انا مرة صارت معاي حطي سودو كريم طبقة غليظة و اتركي و بتخف الاحمرار أن شاء الله