عرض تنظيف البشرة في واحة الجمال ساعدوني

مرحبا
اليوم دقت علي وحدة من صالون واحة الجمال في دبي
وقالت لي انتي ليلى تفاجأت من وين عرفت اسمي
قلت لها هيه قالت رقمج مرشح لجلسة تنظيف بشرة مجانا
وتمت تشرح لي شوي وعقب قلت لها انا من بوظبي
قالت الخبيرة بتييج لين البيت قلت لها خير خلاف بردلج خبر

للرفع

اتصلوا فيه من كم شهر .. ربيعتي كانت عاطتنهم رقمي .. هم كانوا سايريلها البيت وسوولها جلسة تنظيف مجانية .. بس ما طلعوا من عندها إلا عقب ما خلوها تشتري منتجات بألف وشي

أنا يوم اتصلوا فيه قلت لهم شكراً ما أبا تنظيف مجاني

حبوووبة هذا مب صالون هاي شركة يسوون دعاية لكريماتهم
مول ما انصحج والله بيلعوزوووج الا تشترين منهم وما بيطلعون من بيتج الا ساحبين منج 1000 درهم ع الاقل
لا تستقبلينهم ف البيت ابدا

بالتوفيق

هاي حركاتتهم لا تسوين ربيعتي نفس الشي سولها تنظيف بشرة وما طلعن لين ما خلوها تخسر الف وشي خخخخخخخ يعني يوم يتصلون فيج قوليلهم مشكورين مابغي

اذا كنتي من النوع اللي يستحي ما انصحج تجربينهم لانج بتستحين منهم عقب وبتاخذين عنهم حتى لو كنتي مب مقتنعه بمنتجاتهم
اما اذا كانت شخصيتج قويه فخل يسوون لج الفايشال ع قولتهم وقوليلهم ما عندي وقت ايلس وياكم بشوف الفايشال عقب كمن يوم غير في بشرتي شي واللا لا باتصل بكم واقولكم اذا ابغي شي منكم وقظبيهم الباب
لان هالنوعيه من البياعات لحوحات وويوههم حديد بعد مب لوح