السلام عليكم
بنات شفت جهاز للحمام القدمين وفي واايد اجهزة ثانيه وياه للمساج واشياء ثانيه تقريبا الجهاز يشبه الي في الصوره
ابي اعرف شو وظايفه وكيف يستخدمونه
موفقة الغلا
اختي تحطين ف الجهاز ماي دافي،، وممكن تحطين وياه شوي من الاملاح الخاصه بالعنايه بالقدمين بتلاقينها ف نزيه ،، ممكن بدل الاملاح تحطين قطرات من الزيوت العطريه مثل ديت اللافندر ،،، او شرائح الليمون ،،، خلي ريلج ف الماي وشغلي الجهاز ف العاده بتصير رغوه وبتحسين بمساج ف اقدامج
صح ممكن تحطين شوي من الشاور جل ف الماي لو ما عندج املاح
تمين حاطه ريولج ف الماي مدة دقايق تقريبا عقب نشفي ريولج ،،، وافركيها بسكراب خاص بالافدام ، احسن سكراب من ماركة O.P.I تلاقينه موجود ف نسكزيه وهو خاص بالبدكير ،،
وعقب السكراب لو عندج عدة العنايه بالاقدام ممكن تمررين مبرد جلد الاقدام عسب يشل الجلد الميت ،، بينشال بسهوله ،،
وعقب ادهني ريلج بكريم مرطب ونعيما
والسموحه ع الاطاله واذا شي تنقيع طوفي تراني حادره من الفون