سؤال في الرياضيات؟؟؟؟

المسائل اللي زي دي بتعتمد على ما يسمى بـ "المضروب المشترك الأصغر"… يعني السؤال بيقول لك ان لما تقسم البيض على 2 أو 3 أو 4 أو 5 أو 6.. فإن باقي القسمة يكون متساوي دائما و هو 1… و بالتالي احنا ممكن نجيب المضروب المشترك الأصغر للأرقام من 2 إلى 6.. و هو أصغر رقم يقبل القسمة على كل الأرقام الخمسة دون باقي…

طبعا المضروب المشترك الأصغر للأرقام من 2 إلى 6 هو 60.. و أي مضاعف من مضاعفات هذا العدد هيكون برضه مضروب مشترك للخمسة أرقام… يعني 120 و 180 و 240.. و هكذا.. كلها مضروبات مشتركة للأرقام من 2 الى 6… طيب العدد اللي إحنا بندور عليه هو عبارة عن مضروب مشترك للأرقام من 2 إلى 6 و نضيف عليه 1… و لكن في نفس الوقت لازم العدد ده يكون من مضاعفات السبعة.. يعني يقبل القسمة على 7 دون باقي…

إذن ممكن العدد يكون 61.. هذا العدد لو قسمناه على 2 أو 3 أو 4 أو 5 أو 6 هيكون الباقي دائما 1.. بس المشكلة انه ما يقبلش القسمة على 7 دون باقي… و كذلك الأعداد 121، 181، 241 فانهم لا يقبلون القسمة على 7 دون باقي… و لكن العدد 300 هو مضروب مشترك للأرقام من 2 إلى 6.. و لو أضفنا عليه 1 سنحصل على 301 و هو عدد يقبل القسمة على 7 دون باقي… إذن كان في السلة 301 بيضة…

ده كان حل السؤال الأول… بالنسبة للسؤال الثاني فهو يعتمد على نفس النظرية… و لكن في السؤال الثاني احنا عايزين نجيب في البداية المضروب المشترك الأصغر للأرقام 2 و 3 و 4 و 5 و 6 و 8 و 9… و هنلاقيه يساوي 360… بعد كده نشوف أي واحد من مضاعفات المضروب ده اللي لو زودنا عليه 1 هيكون قابل للقسمة على 7 دون مقابل… و النتيجة هي 721…