مكياجج مايكمل ساعه إلا هو سايح من الدهون الزايده اللي ف بشرتج لأنها دهنية؟؟؟ ادخلي

الموضوع مبين من عنوانه إذا عندج عرس أو حفله وتبين مكياجج يثبت وتتخلصين من الدهون الزايدة اللي ع ويهج؟؟؟؟
أنا بقولج كيف
أول شي أنا كل ما يكون عندنا عرس أو حفله مكياجي يسيح وما اتهنى فيه يعني يكون ويهي جنه حد صاب على ويهي زيت <<<< تشبيه بليغ ^^
ودورت ف النت عن حل و دورت ودورت وشفت أشياء وايد مثل الطماط والليمون وغيرهم بس شد انتباهي شي واحد وحمستني اللي كاتبه عنه ما اذكرها الله يذكرها بالخير ويزاها الله ألف خير
واللي هووووووو
السدررررررررر
وقلت بجربه وجربته قبل عرس اخوي ب 3 أيام و رابع يوم كان حفله الحنا مال اخوي ف ما حطيت لأن كان في ناس ف بيتنا وما فيني يشردون بيقولون الرجل الأخضر ياي<<<< هههههههه
انزين المهم
و الحفله كانت ف شهر 6 اللي طاف وانتوا عارفين كيف كان الحر وتعرفون حنا الولد زفيه ومشي ف الحر
وعقب ما خلصت الحفله كانت الساعه 3 الفير إلا أشوف ويهي مقاوم "تم ثابت نفس ما حطيته" مع انه كان حر موت حتى اختي استغربت قالت عيل مكياجج ما ساح والعاده انا مكياجي يسيح وخواتي ما يسيح مكياجهم بس صار العكس والسر هو السدر
أعرف طولتها وهي قصيره بس تعرفون بنات لازم اتفلسف ^^
وني ل طريقه الاستخدام مع اضافه بسيطه من عندي
– ملعقه صغيره سدر مطحون
– ماي
تخلطين السدر ويا الماي وكل ما طولتي ف الخلط كل ما زادت كميه السدر
وقبل الحفله بأسبوع أو 4 أيام المهم تكون فتره كافيه حطي هالماسك على ويهج كل يوم نص ساعه أو لين ما يجف وعقب غسليه
وقبل ما تحطين مكياجج ييبي قطنه وبلليها بعصير الليمون و امسحيبها ويهج وخليه 10 دقايق وبعدين اغسليه بماي بس وحطي مكياجج
والأيام اليايه استخدمي السدر كل يوم كغسول
وبس خلاص
جربو وادعولي ^_^