بنات ابا رايكن بالتقشير بالكرستال هل هو زين ……………. واذا وحدة مسوية تخبرني عنه كم جلسه وهل فادها
ويزاكم الله الف خير
وسلامي لكم اختكم شمووووووووووووووووووووووولتي
انا سويت تقشير بالكرستال في مركز كوزوميسرج
اول شي بهدلني لانه ويهي تم محمر وطلعلي كل الحبوب حتى اللي كانت تحت الجلد…وكنت احسب ما نفعني التقشير وغشوني …بعد فتره تقريبا 3 اسابيع إلا شهر حسيت بالفرق حتى الاهل لاحظوووووووووووووا الفرق والنتيجه الحلوه
والحمدلله لين الحين مرتاحه
بس لازم ما تمين في الحر او الشمس … ولا تحطين كريم اساس عشان ما تستويلج تصبغات فويهج..لان التقشير يفتحلج المسامات
تحياتي
ماجربت ان شاء الله البنات يفيدنج……….
مشكووووووووووووووورة اختي القمر المضياء على نصيحتج وعلى اخباري عن تجربتج يزاج الله خير
مشكوووووووووووووووورة اختي ام الصيصان على مرورج
انا ما جربت بصراحه
الغاليه انا سويت تقشير بس عند دكتورجلديه وهو اللي يقولج كم جلسه يبالج حسب بشرتج
اول شهرتحمر البشره وتتقشر ونصيحه لاتيرين الجلد الميت بايدج بروحه بيطيح ولا تطلعين فالشمس ولا تيلسين فمكان حار واذا حابه تضهرين من البيت مع اني ما اعتقد انج بتظهرين(لان الشكل يكوون يروع فلا تنسين ان في اطفال فالشوارع خخخخخخ) لازم تحطين واقي شمس ويفضل انج اتسوين تقشير فالشتاء احسن من الصيف واذا بشرتج من النوع اللي يطلع فيها حبوب ايام الدوره فانصحج انج تعالجين هالمشكله عقب تقشرين ويهج لان اخت سوت تقشير واستوى ويها اوكيه عقب يوم يت الدوره كانك يابوزيد ما غزيت ورد ويها مثل قبل وبالتوفيق..
على فكره مب الدكتور اللي يسوي التقشير الممرضه هي اللي تسويلج.gif "12 (87)")