المدارس النموذجية

بنات سمعتوا عن المدارس النموذجية انة الي اقل من 80% يطلع بصراحة شي موب عادي لانة الطلاب هم ثمرة ولازم يهتمون فيهم وفي النهاية يخدمون الوطن اذا هم تخلوا عنهم وحصروا عددمعين هذا شي غلط بصراحة ياليتهم ماخلوا من غير افلوس
تموا الحين يتمننون علينا بس لانها بلاش وهم يقولون انها للمواطنين المفروض يرفعون مستوى المواطنين ومايطلعونهم يعني لوقالوا اقل من 70% يطلع معقولة بصراحة حتي الطلاب الي في الجامعه ماييبون ها لنسبه
ودي اسمع ارائكم ومن الى لها في النموذجية عيال
وبصراحة كل مدرسة نموذجية لها شروطها بعضهم يطلب انشطة وملفات ومشاركات ومواضيع والبعض مايطلب المفروض نتكلم ومانسكت
وشوا رايكم

انا عندي ثلاث عيال في النموذجية ونسبة النجاح هي 70% والتربية هي اللي ارسلت لنا اقرار بهذا الامر بس انا مشكلتي الوقت لأنهم يخلصوا الساعة 3 ولين يردوا البيت تكون تقريبا 3 ونص وانيمهم الساعة 8 وكذي ما عندي وقت اراجع معاهم الدروس وحل الواجبات هذا غير انه يكون فيه نشاطات من النت
والسموحة

هلا اخواتي
انا بنتي ف النموذجيه .. من الصف الاول والحينه هي رابع

عقبال ما يقبلووون ولدي .. بالبطين :22 (12):

المشاركة الأصلية كتبت بواسطة ام مهوري

انا عندي ثلاث عيال في النموذجية ونسبة النجاح هي 70% والتربية هي اللي ارسلت لنا اقرار بهذا الامر بس انا مشكلتي الوقت لأنهم يخلصوا الساعة 3 ولين يردوا البيت تكون تقريبا 3 ونص وانيمهم الساعة 8 وكذي ما عندي وقت اراجع معاهم الدروس وحل الواجبات هذا غير انه يكون فيه نشاطات من النت
والسموحة

الغالية شو اسم مدرسة عيالج لاني بصراحة ناوية انقل عيالي مدرسة نموذجية بس مش عارفة وين اوديهم

السموحة

على فكره

وبالنسبة للتسجيل في النموذجيات ترا خلاص .. انتهى التسجيل وبدأ المقابلات .. ويعل الكل ينقبل ان شاء الله

حبيبتي نحن الانشطة عليها 20 درجة ولازم الملف يكون على كيف المدرسة وياليت يعطونا الدرجة كاملة انشطة وملازم حق كل درس والاطفال يصلون البيت الساعة 3و45دقيقة والله انهم مايلعبون الااخر الاسبوع لانة دراسة على طول والمنهج عادي مثل الحكومية حتى المدرسات بعضهم موب معجبهم الوضع لانة هم تعبانين مع اعيالهم

:22 (14): مراحب أنا واعوذ من هل الكلمة عندي اعيال من من الصف الاول في مدارس النموذجيه ولحين هم واحد في الصف السادس واحد في الصف السابع المدارس ماعليه كلام ممتازه والله انهم مهتمين وان الحين انشاله سجلت بنتي في الافاق