اللي فيها أو كانت فيها قرحة عنق الرحم تدخل بليز

الحين الدكتورة قالتلي قرحة في عنق الرحم و كيس مائي على المبيض و سوتلي تحليل دم عسب الغدة و هرمون الحليب

سألتها شو سبب الكيس قالت اكيد انتي ماخذه كلوميد و عقب ما خذتي إبرة تفجيرية قلتلها هيه ما خذت الإبرة

المهم عقب يوم رحت عسب أعرف النتائج قالت كل فحوصاتج زينه بس يبالج كوي و ألحين بسويلج استغربت لاني ما كنت مستعدة و ارتبكت بعد و قلتلها لازم أخبر ريلي و المشكله قالتلي بسويلج كوي حار اونه اذا كوي بارد عقب سنه ولا سنتين بترد القرحة

عقب يمكن حست إني مب مقتنعه من كلامها جان اتقول بعطيج كل التقارير و صورة القرحة إذا بغيتي تستفسرين مكان ثاني على راحتج بس حق القرحه لازم كوي

نفس اليوم رحت عند دكتورة أوراس لأني مصدومه من الوضع قلت لازم اتطمن المهم عقب إنتظار 3 ساعات دخلت عندها لأن معروف دكتورة أوراس دوم زحمة عندها

المهم يوم دخلت سوتلي التراساوند قالت عندج تكيسات مب كيس مائي و قرحة ما عندج مول و شافت التقرير اونه مكتوب ما فيج قرحة بس اللي ما عيبني عندها شافتني بسرعه و كانت دفشه كانت وايد مستعيله اوف ما عيبتني طريقتها في الفحص بس أسلوبها حلو

ما ارتحت قلت ما برتاح لين ما اتأكد من السالفة صدق بعده بيومين رحت عند الدكتورة اللي كنت اراجع عندها فترة الحمل اسمها ارشنا غوبتا و كانت في عيادة سني بس الحين راحت دبي بس هي دكتورة شاطرة بس مب معروفة مثل كاميليا و أوراس

المهم استانست يوم شافتني المهم خبرتها في السالفة جان اتقولي تعالي بفحصج و يوم فحصتني قالت فيج قرحة بسيطة و تكيسات و كتبتلي تحاميل و مضاد حيوي و كلوكافاج حق التكيسات و قالت خذي تحاميل لمدة 6 ايام و يومي اسم التحاميل البوتيل

الحين من 3 ايام أخذ التحاميل اول خذتها ما صار شي ثاني يوم ألم فضيع نفس ألم الدورة و 3 يوم زاد الألم و نزللي دم جنيه فيني دورة اتصلت في الدكتورة قالتلي خلاص ودري التحاميل و عقب اسبوع تعالي بسويلج كوي بارد

الحين نفسيتي زفته مب عارفه شو اسوي
شو احسن كوي حار ولا بارد ؟ بليز ساعدوني

ادري اني طولت الموضوع بس ابغي مساعدتكم

– – – Updated – – –