السلام عليكم خواتي
امس سرت للدكتوره على اساس عندي التهابات
يوم فحصتني قالت لي اول شي عندج مثل تقشير بسيييط في عنق الرحم طبعا ما حطيت الموضوع في بالي خاصه انها قالت يباله كوي بس مب الحين يعني بعديين حسستني ان الشي مب مهم مادري ليش
وبعدين سوتلي السونار الي من داخل وقالت لي عندج كيسين 5سم والثاني اقل شوي
وعندي تكيسات بس صغار وايد يمكن نقط نقط على قولتها
وعطتني دوا البرملتنور وقالت لي استخدميه لمده 10 ايام مرتين فاليوم عقب بتنزل الدورة وبينزل الكيس بس قلتلها الدورة يتني اسبوعين هالشهر دمي بيتصفى ما ينفع وماباها اتيني في رمضان مره ثانيه قالت خلاص بعد 15 يوم ومن توقفيها كم يوم وبتنزل… احسها مب فاهمه شي
المهم قلتلها شو الفرق بين الكيس والتكيس حسيتها مب فاهمه اي شي في الحياااه ….
بس بنات في حد صار وياها نفس الي عندي وكيف اتعالجت منه…
ابصراحه اموكلي امري لرب العالمين وحتا الدوا قلت ما باخذه ما فيني على نفخة ادوية الهرمونات
الله يعينج روحي عند دكتورة ثانيه إذا انتي حاسه انها ماتفهم شيء
خذي الدوا ممكن يفيدج و اهتمي للموضوع اكثر و لازم تتبعين نصايح الدكتورة .. و موفقة
اختي اولا الله يشفيج ويخلصج من اللي انتي فيه
الشي الثاني .. انا مب دكتورة بس بحكم
انه كنت اراجع الف دكتورة واقرا الانترنت ومواقع طبيه
وهالامور بحاول اقولج اللي اعرفه
عسى يارب يفيدج
بالبداية …
اذا انتي عندج التهابات … فهي لها اعراض وانواع متعدده
في طفيليه .. وفي بكتيريه .. وفي فطريه
بعضها عدوى اتي عن طريق استخدام الحمام اكثر م شخص
وللاسف وايد حريم ابتلن والسبب الحمامات فالاماكن العامة
ومرات اتيج عن طريق تهيج من استخدام غسول مهين او منظف
ولها اسباب
حاجة ثانية .. اني فهمت م كلامج ان معج تقشر او ماشابه
اختي يمكن شي غير التهابات
يمكن جرح ف عنق الرحم هو مسبب لج التهاب
يعني شيكي ع نفسج
اما الكيس والتكيس
الاكياس تختلف ع التكيس
الاكياس عباره عن كيس دهني يكون على المبيض
اختي تلاحقي نفسج لان اذا زاد وكبر ينفجر ويخرب عليج اشياء
بالنسبه للتكيسات ف اكثر الحريم والبنات يعانون منه وانا وحده منهم
هي عباره عن بويضات مب ناضجه ف تتكدس ف البيض
طبعا تعمل لخبطه ف الطمث و تاخر الحمل الى الخ…
للتكيس مافي علاج شافي بس تقدرين تخففينها
1 نقص الوووووووووووزن … وحطي عليه الف خط
2 شربي ماي بكثرررررره فاليوم لا يقل عن 3 لتر
لان هي تذوب بالماي وتنزل على شكل استيون فالبول … تكرمون
وسمحيلي هذا اللي اعرفه اتمنى من كل قلبي
انه اكون افدتج ولو بشي قليل
الله يشفيج ويشفي كل مصابه يارب العالمين
الله يشفيج
انتي أي عياده تروحين
تدرين كوي مب زين
انا كنت عبالي تكيس هي نفسها كيس خخخخخخخخخخخخخخخ
عيل انا فيا كيس مش تكيس هع
المهم سيري مستشفيات حكوميه احسن
عندج مستشفى لطيفه كل الشي متوفر
المشاركة الأصلية كتبت بواسطة مروحة حيل 
ان شاء الله براجع مستشفى حكومي احسن لي
شكرا على المرور الطيب
المشاركة الأصلية كتبت بواسطة شذى الليلك الدواء باخذه اذا نصحتني في دكتوره ثانيه
وان شاء الله بتابع الموضوع
يزاج الله الجنه