السلام عليكم ورحمة الله وبركاته
شحالكن؟
بخبركم عن تجربتي مع رياضة شد البطن وخبروني اذا حد فيكم مر بهالتجربة ولا لا..
انا مارست رياضة البطن قبل شهر ..وواظبت عليه لمدة اسبوعين وكل يوم كنت اسوويه ..وما شاء الله بطني دش داخل وطلعلي خصر يعني بصراحة كان جسمي وايد حلو …
المهم
يت فترة وكنت منشغلة بضغوطات الجامعة وبلاويها ..وودرت هالرياضة ..بس شفت بعد فترة ان بطني انتفخ حتى هالانتفاخ مبين بشكل مش طبيعي وخاصة يوم البس بنطلون وقميص ..افتشل الصراحة
قبل بطني صح انه فيه كرشة بس مب لهالدرجة ..بعد ما ودرت هالرياضة بطني استوا طبقااات …
ما عرف هل السبب لاني ودرت هالرياضة ولا شو ؟ مع اني اكل كل شي لاني ضعيفة بس ما حب اشوف بطني جي ..؛(
رديت اسوي رياضة البطن قبل يومين بس اتعب بشكل فظيع فودرته ..بس ما عرف شو اسوي ..هل اتم على هالرياضة مدى الحياة عسب ما تطلعلي كرشة
الحينه بديت اسوي رياضة المشي على الاجهزة ..وما قمت اكل وايد ..بس بعد اشوف تغييرات في جسمي .. ..يعني مثلا صدري احسه ترهل شوي وصغر..وخاصة اني اكل قبل الرياضة بساعة ..وساعات ما اكل شي مولية ..
والله اقول في خاطري يا ليتني ما سويت رياضة ..قبل جسمي كان مقبول نوعا ما …والحينه كارهتنه كره العمى
شوروني وخبروني حد مر بهالتجربة قبل وشو سوا ؟
شي غريب الصراحه
وروعتيني لأني أنا ألحين أسوي رياضة بطن
اللي صابها نفس الشي اتخبرنا ونلحق عمارنا
هلا الغاليات
انا سمعت اللي يسوي رياضة ويتركها يمتن اكثر وخصوصا اذا ما حرص في اكله
يوم تسوين رياضة تتحول الشحوم الى عضلات واذا تركتيها ترد
الاستمرار لازم حتى لو ثلاث مرات في الاسبوع
thnx 3l mror
مادري شو اقول الصراحه
انا ودي اخوز الكرش الي فيني بس ماقدرت
افيدوني
مرحبااااااااااااا بنات جيتو على الجرح
من اسبوع تقريبا شفت وحده ,,, شافتني ضعفت ,, وبصراحه انا ضعفت لأني اسوي رجيم لاكن الكرشه بعدها كبيره وشكلها قبيح ,,, فقالتلي هالحرمه لاتسوين رياضه بطن موليه إذا بطبينها بعد فتره ,,, قالت رياضة البطن تشد البطن صج ولاكن لازم بعد جيه تستمرين عليه ولا لو تركتيها بيصير عندج إرتخاء في عظلة البطن وبتتمدد واااااااااااايد عليج وعقب بتروحين وطي وهذا معناته إنج رحتي في خبركان
والحين لازم تردين لرياضة البطن
ماقصرن البنات