بنات احس انه الالتزام بالرياضة والريجيم في رمضان صعب
متى اتسوون رياضة او تمشون؟
وشو النظام الغذائي اللي تتبعونه؟
وهل ممتنعين عن الحلويات والاطعمة الدسمة
الصراحة الريجيم صعب اطبقينه اف رمضان لانه اغراء الاكل يكون كبير
بس لو كنتي تتبعين نظام غذائي صحي فيه كل شي وتاخذين يوم فري تاكلين كل اللي خاطرج فيه اكيد بينزل وزنج
اما بالنسبة للرياضه الكل اختلف نصهم يقولون احسن شي قبل الفطور والبعض بعد الفطور
بالنسبة لي الاخصائية قالت لي بعد الفطور بساعه او ساعتين
وتحياااااااااتي للكل
صعب صعب صعب انا كنت اسوي رياضه قبل رمضان وكنت ملتزمه بس في رمضان ودرت كل شي وكله هم هم هم واكثر الدسم والسووويتات .. اعرف اني عقب رمضان برجع لرياضه مكثفه انشالله ..
بنات احس انه الالتزام بالرياضة والريجيم في رمضان صعب
هو صعب صعب .. بس إذا عندج إراده وعزيمه قويه بيكون سهل وحلو والله ..
متى اتسوون رياضة او تمشون؟
أحيانا بعد أربع ساعات من بعد الفطور ..لأن النادي اللي تبعي يقولون لآزم ماتمارسين الرياضة الأ بعد 4 ساعات .. وأقل شي ساااعتين .. وإذا كلتي ومارستي على طول بتمتنين زيااده ..
وشو النظام الغذائي اللي تتبعونه؟
كل اللي فخااااااطري أكله .. بس شرط اني اخفف منه وااااااايد .. مثلآ السمبوسه 2 .. وأي مقالي أكلها على حبه .. الأكله الرئيسيه الحد الأقصى 4 ملآعق .. وشررب سوائل قد المقدره ..
وهل ممتنعين عن الحلويات والاطعمة الدسمة
لآ مو مره لهناك .. بس آكل بحدود ومعقول .. يعني قطع صغييييييره جدا أكله قطعه وحده فقط .. بدون زياده أو حرمان ..
عسب بعدين مااعوض خلآص كل اللي بخاطري أهم شي آكله 
وأي سؤال ثاني أنا حاظره .. حياج
تسلمون خواتي عالردود
والباقين وينكم؟
والله مشكله الرجيم في رمضان انا العام متابعه نظام غذائي في رمضان من دكتور نيوترشن والله خبصت تخبيص هههه
في رمضاااان اللي طااااااف
وضعفت عليه
.
.
.
.
.
.
المشي
كنت أمشي في الأسبوع يمكن 3 او 4 مرات.. ولمدة ساعه بس
على الشارع اللي حذال بيتنا
خلال هاذيج الأيام ماشفت عمري ضعفت..
لأني كنت آكل من كل شي.. مووول مب حارمه عمري من شي.
حتى ماذكر اني كنت مخففه أكل.. كنت آكل عااادي..
بس عقب التراويح كنت أمشي ويا ربيعتي..
ومثل ماقلت لكم.. ماحسيت عمري ضعفت.. بس جسمي ترتب واااااااايد..
وشوي شوي.. من المشي قمت ما آكل وايد.. يمكن المشي كان يهضم الأكل وصغر المعده مادري!!
بس والله العظيم الشاهد علي… ان وااااااايد بنات تموا يسئلوني .. شو مسويه وشو مسويه..
ويسئلوني مسويه رجيم قاسي.. أحلفلهم انه مب ريحيم ولا خرابيط.. بس مشي..
أدري ان المشي في البدايه صعب.. بس يباله دزه وتتشجعين..
أنا حاليا ودي أمشي بس ربيعتي مب طايعه تسير وياي.. تقول حر ومادري شوو..
الله يعين ويردني لحماسي الأولي..
^______^