السلام عليكم ورحمة الله وبركاته
شحالكم ؟
بغيت استفسر من اللي مروا في حالة اجهاض قبل لا يخلصون الشهر الثالث ،،
انا حامل ونبض البيبي وقف والدكتوره قالتلي يفضل اسوي عملية تنظيف لان البيبي كبير شوي (الاسبوع التاسع) واذا خذيت حبوب او تحاميل بتعذب وايد بالآلام اللي بتييني!
اللي مرت ف تجربة اجهاض ممكن تخبرني شو سوت؟ صبرت لين نزل بروحه ولا خذت حبوب ولا سوت عملية تنظيف؟
وسمعت ان عمليه التنظيف سهل ومافيها ألم بس فيها سلبيات ! اللي تعرف سلبياتها ياليت تخبرني دورت ف النت وماحصلت شي مفيد ،
ومشكورات
شو من سلبيات؟؟؟؟
اختي مافيها سلبيات باذن الله .غير انج عقب التنظيف احتماليت الحمل كبيرة اتكون
انا سوولي عمليت تنظيف والحمدالله .كان تخدير كامل وبساعة خلصو والامور طيبة ..قبلها عطوني حبوب طلق عشان يفتح الرحم وبس
حبي سوي تنظيف احسن واامن لج
ماعرف بس ربي يساعدج ويعوضج ان شاء الله وامورج تتيسر
مشكورات خواتي ،،
فيه شي اقدر اشربه عشان ينزل البيبي ؟؟
انا سويت قبل والحمدلله مافيها شي دخلت طواري وكان في نبض بس نزفت وايد وربج
الحمدلله ع كل حال
كنت فالكورنيش وتخدير نصفي بس قعدت يوم وطلعت
انا توقف عندي نبض الجنين في الاسبوع ال ١٢
انتظرت شهر ونص وماتم شي ماشربته مافي فايده دخلت المستشفى عطوني ٣ تحاميل و ادويه و قالولي انه ببات ليله وحده بس و للاسف طولت اربع ليالي و الالم كانوا يعطوني مسكنات و عقب ماطلعت من المستشفى رحت عند دكتورتي قالت لي فيه بقايا الجنين بننتظر اسبوعين و طبعا النزف مستمر و عقب الاسبوعين البقايا مكانهم ف حددت لي موعد للتنظيف و التخدير كان عام ومده العمليه ربع ساعه و طلعت عقب العمليه بساعتين و الحمدلله بعده العمليه كان كل شي تمام و ٤ ايام و وقف الدم نهائيا و تمنيت اني مسويه العمليه مفتكه من البدايه و لا هالمعاناه