السلام عليكم
اشحالكن خواتي !!
انا حامل بالبيبي الثاني الحين وانا فالشهر الثامن الله يسهل عليه وعلى كل حامل يارب ، ف بجري ولدت ف مستشفى دبي و سولي شق و خياطه والحمدلله خياطتهم ممتازه وايد ، اللي ابا اعرفه هل فالولاده الثانيه او حتى الثالثه و اللي بعده يسسون شق للعجان وخياطه ولا يقولون مايحتاي ! احس الشق والخياطه احسن ولا شو رايكن ! و متى الوحده ماتحتاج للخياطه و برايكم اذا طلبت خياطه بيسوولي ولا ! و بخصوص الشق ف بجري ماحسيت بولا شي هم يضربون بنج ولا شو السالفه ان مانحس وقت الشق و الخياطه! واللي اسمعه ان الولاده الثانيه موووت واصعب هل هالكلام صح !!! خايفه من الولاده الثانيه مادري ليش !! دعواتكم لي و لكل حامل .
المشاركة الأصلية كتبت بواسطة راعية الدلع 
اشحالكن خواتي !!
انا حامل بالبيبي الثاني الحين وانا فالشهر الثامن الله يسهل عليه وعلى كل حامل يارب ، ف بجري ولدت ف مستشفى دبي و سولي شق و خياطه والحمدلله خياطتهم ممتازه وايد ، اللي ابا اعرفه هل فالولاده الثانيه او حتى الثالثه و اللي بعده يسسون شق للعجان وخياطه ولا يقولون مايحتاي ! احس الشق والخياطه احسن ولا شو رايكن ! و متى الوحده ماتحتاج للخياطه و برايكم اذا طلبت خياطه بيسوولي ولا ! و بخصوص الشق ف بجري ماحسيت بولا شي هم يضربون بنج ولا شو السالفه ان مانحس وقت الشق و الخياطه! واللي اسمعه ان الولاده الثانيه موووت واصعب هل هالكلام صح !!! خايفه من الولاده الثانيه مادري ليش !! دعواتكم لي و لكل حامل .
لا تخوفين يقولون الثانيه أسهل صح كلامج مستشفي خياطتهم ما عليهم كلام كنت ارجع عياده خاصه قالت الدكتوره ما شاءالله وايد اوكي الخياطه
بالعكس الثانيه اسهل
والله يسهل عليج وعليه
يالله .. انا احينا عقب ما ربيت 2 مره امبيه استوى عندي فوبيا و خوف رهيب يوم اشوف وحده حامل احس بيغمى علي ماعرف ليش اتمنى ما تستوين مثلي .. يا ربيييييييييييييي اتقشعر ..
المهم …
لازم خياطه لا تقولوج الدكترا ما يحتاي .. قوليلها خيطي لان يخترب بعديني و بتتلعوزين ..
انا الحمدلله حسيت الولادة الثانية اسهل وأسرع الحمدلله
والخياطة ضرورية ، في الحكومي ما يسوون خياطة تجميلية الا من رحم ربي
وعن الشق الصراحة انا حسيت به فالمرتين يمكن لأني اكون منتبهه هم شو يسوون 
مرحبااا
الولاده الثانيه اسهل واسرع لان كل شي جاهز
مب نفس اول مره.. بس اهم شي التركيز والانتباه
واخذ نفس عميييق عند الشعور بالالم عن تجربه
النفس العميق فعلا يريح
اما من ناحية الخياطه والشق في المره
الثانيه مايسوولج احيانا لان من نفسه الشق
القديم ينفتح وعقب يسوولج خياطه
او هم يشقوونه
وانا اتمنى انه مايستويلي اي شق لان الخياطه ورى
خياطه يتشوه المكان..
وتوكلي على الله لاتخافين
الي اعرفه ان الولاده الثانية اسهل من الي قبليها حتى ساعات المخاض
المفروض نوكلها لرب العالمين وننسى الخوف ونستعين بالقرآن
لاني انا بعد اخاف من الحمل والولاده بعد
وبالنسبة لموضوع الخياطه اذا حصل شق لازم يكون في خياطه
وغالبا في الحكومي ما يخيطون