السلام عليكم ورحمة الله وبركاته
كروشات
انا اليوم العصر سرت عند الدكتوره لان فيني الم طلق صار له مده وتعبانه وايد منه
مع ان موعد ولادتي 12/ 5
المهم
شافتني الدكتوره وقالت لي أتوقع ولادتج قريب
وعقب شيكت على الرحمً بيدها وقالت مسكر الرحم
ومن العصر يطلع مني دم لين الحين الساعه 12 بالليل
أخاف يضرني لانها قالت بس شوي بيطلع وبيوقف لكن انا أشوفه مستمر
مع نفس الألم اللي كان موجود
بليز طمنوني 
اختي ما بصير تسكتين لازم تروحين ع المستشفى أحسن لانه موعد ولادتك بعد شهر تقريبا والله يطمن قلبك وانشاء الله ما فيكي الا العافية وطمنينا عنك اختي
إذا نزل دم مع مادة لزجة شفافة
وعقب ينزل نفس القطرات
هذي سدادة الرحم وتكون من علامات قرب الولاد مرات تستمر أسبوع أو أسبوعين لين الولادة ويعتبر طبيعي
لكن إذا ينزل دم نفس الدورة وكأنه نزيف الأفضل تروحين طوارئ المستشفى لأنه خطر عليج وع البيبي
طمنينا عليج والله يقومج بالسلامة
يمكن ولاده انتي دخلتي التاسع .. انا اختي كانت نفس حالتج
وربت على طول اول التاسع مب شرط تكملين كل التاسع
والاحسن تروحين الطواريء
الله يطمن قلبج الغاليه
ومثل ماقالت لج الكاذي كفت ووفت
الله يقومج بالسلامه يارب
عسى الله يسهل عليكنً ان شالله وتفرحنً بعيالكنً يارب
ويرزقني الولد ان شالله اندعن لي بالولد الله يخليكنً ويبارك فيكن وبعيالكن وباهلكنً ان شالله وعسى الله ينور اللي فبالكن
استغفر الله وأتوب اليه
تسلمووون حبيباتي على ردودكن طمنتووني
انا اول شي نزل مني قطرات دم واستمرت معاي وايد فقلت هذا من الدكتورة لانها كانت تشوف الرحم
لكن قبل شوي نزل مني المادة اللزجة مع الدم 
بعده الويع موجود لكن شوي بتريا اذ استمر بروح المستشفى
وان شاء الله خير
دعواتكم
اللهم يامسهل الشديد وياملين الحديد ويا منجز الوعيد ويا من هو كل يوم في أمر جديد أخرجني
من حلق الضيق إلى أوسع الطريق بك أدفع ما لا أطيق ولا حول ولاقوة إلا بالله العلي العظيم
والله يسهل عالجميع