السلام عليكم سيدات المنتدى .. شحالكم وشخباركم
أنا عندي مشكله في دورتي وااااااااايد تتاخر مرات بالشهرين و3 شهور ما تيي.. وعندي كثافه في شهر جسمي وويهي
ويوم سرت المستشفى سوولي فحص الهرمونات والسكان
طلع عندي تكيس في المبايض .. وهرموناتي الحمدلله طبيعيه ..
الدكتوره كتبتلي Dian 35 عشان ينظم الدوره .. وكتبتلي دوا للتكيس اسمه جلوكوفاج .. لازم آخذه 3 مرات في اليوم ..وطبعا قالتلي لازم أنزل وزني .. افففف مشكله هالوزن
بس أنا اعرف وحده عندها نفس مشكلتي وكاتبيلها اياه مرتين باليوم .. وأنا بصراحه وايد خايفه أستعمله .. احس وايد 3 مرات باليوم وخاصه انه هالدوا يتعب ويسبب بلاوي من دوخه ولوعه .. عن تجربه اللي مآخذينه
ومووووول مب مرتاحه
خاصه اني بنوته وبعدني مب معرسه ..
بنات اللي عنده نفس مشكلتي تخبرني شو سوت ووين تعالجت ,, وهل نفعها العلاج ,,
أنا وايد متضايجه ,, أحس مب عارفه شو أسوي … الدوا مكانه وللحين ما خذته
وينكم يا سيدات المنتدى
ما اعرف بس حبيت ارفعلج الموضوع
امممممممممم،، و الله مادري حتى خايفة أنصحج لأنها ممكن ما تيوز لج،، لأنج بعدج بنت،، المهم لو أنا مكانج ما بحاتي هالموضوع،،، بتم على الاشيا الطبيعية،، يعني حاولي تسوين ريجيم و كثري المشي،، ألمشي يحرك الخصر و المبايض و يساعد على التنظيم،،، و اشربي مرامية تساعد على تنظيم الدورة،،
لأن المتزوجات اللي عندهم تكيس تنصحهم الدكتورة بالحمل،، لأن الحمل أحسن علاج للتكيس،،، الله يعينج و يوفقج حبيبتي
المشاركة الأصلية كتبت بواسطة أشواق_دبي 
مشكوره الغلا ..
المشاركة الأصلية كتبت بواسطة sa7el لأن المتزوجات اللي عندهم تكيس تنصحهم الدكتورة بالحمل،، لأن الحمل أحسن علاج للتكيس،،، الله يعينج و يوفقج حبيبتي
مشكوره عالدعوه ..وانشاء الله تتيسر اموري
عندي نفس المشكلة
وانا مووووووووب متينة يعني (((( ضعيفة ))))
عانيت من هاي المشكلة من 3 سنين وعطتني الدكتورة دواء ما اعرف شو اسمة
ولكن ما استمريت عليه
لآنه طيح شعري كله
والدورة منتظمة أصلا عندي بس بعض الاحيان تألمني في مكان المبياض فاضطريت اسوي تسونار وطهر عندي تكيس
وانا مثلج احاتي