هلا حبايبي ..
ألحين من فترة من دشيت التاسع والبيبي حركته نفس ما هي وبزيادة ..
فبداية الشهر كنت كاشفة عن الراس وقالتلي تحت ..
ياتني الالام .. بس تروح .. يعني ساعتها وتروح .. وطول اليوم اكون عادي ..
وقامت تنزلي افرازاات بيضاا .. بطريقة كثيفة ماعرف شو السالفة
انا خايفة اروح المستشفى ويزخوني هناك .. مابا اتم وانا مافيني الالم ..
شوو تنصحوني ..
شو رايكم بحركة البيبي هل هي طبيعية انها بزيادة .. يرفس وجيه .. فنص بطني ..
واحياناا الحركة تكون تحححت .. بين ريولاتي
الله يسهل ولادتج ويقومج بالسلامه
اختي اذا حاسه فيج ويع لازم تسيرين المستشفى وخلي الوالده تروح وياج
يمكن يكون فيج طلق وتربين الله يسهل عليج يا رب
يزاج الله خير ..
المشكلة ترا يقولون الالام لازم تروح وترد ..
وانا الالامي ساعة ساعتين وتروح .. وماترد عقب .. ومب بفترات متساوية شرات ما يقولون
عشان جي مابا اروح المستشفى
لا تحاتين الغاليه إن شاء الله خير
بس سيري العياده وشوفي أو اتصلي بدكتورتج واشرحيلها وضعج
حبوبه
حركة البيبي شيء طبيعي
اما عن الافرازات يمكن ايكون عادي و يمكن عندج التهابات
فانتي لا تهملين عمرج و اتقولين بيمسكوني في المستشفي
و تعرضين عمرج و البيبي للخطر
روحي كشفي اذا ما تبين الحكومة روحي الخاص و شيكي
روحي العياده افظل لج
حبيبتي حركة البيبي عاديه لا تحاتين
دكتورتي تقولي البيبي الي يتحرك وايد يكون الحمد لله صحته احسن
احس بتوله على ترفيس البيبي عقب 
و عن الويع انا بعد شراتج بس مب دووم
دكتورتي تقولي ان هالويع يكون عباره عن ان الجسم يهيئ نفسه للولاده -سبحان الله-
بس اهم شي لا تغفلين عن الويع الي اييج و يروح و عقب يرد لانه يمكن يكون ويع ولاده
بس عشان تطمنين اكثر سيري عند دكتورتج و خليها اطمنج و ماظن انهم يحبسونج في المستشفى خخخخ
الله يسهل عليج و علينا يارب :*