بنات بدخل التاسع والجنين الله يحفظه مالف راسه تحت للحين فوق مع اني امشي عشان ينزل بس للحين احس فيه فوق بنات شو اسوي رحت مستشفى صقر وعطوني موعد عشان يلفونه لتحت بس قالو يمكن في مخاطر لاني بكر ويمكن يسولي عملية لو صار اي خطور ة انا وايد احاتي هاي اول مرة لي في الحمل في منهم قالولي لاتروحين موعد العملية تريي لين ماتحسين بوجع الولا دة وروحي يمكن يلف الجنين وفي قالولي اصلا صعبة الجنين يلف راسه فالتاسع لان الماي يقل مابيقدر يعني اسوي العملية ولا اتريا الوجع والعملية لها مب هينة وتسوي كرش
فيدوني خواتي
مررااحب
حبيبتي لاتحاتين ربج بيسهلها ربيعتي كانت شراتج وعدت موعدها بعد بس البيبي تحرك ونزل سبحان الله
بس طبعن يختلف من حرمه لغيرها
والله يسهل عليج
صلي استخارة قبل موعد العملية وان شاء الله خير
وربي يقومج بالسلامة انتي والبيبي
صح الكلام ممكن في التاسع ينزل تحت لا تروحين العملية عشان ينزلونه اصبري مادام انج تحسين بحركته كل يوم مو اقل عن 10 حركات معناها انه بخير
انا في حملي الاول كان نازل وراسه تحت بس يوم كنت في غرفة الولادة اعاني من الطلق فجأة حسيت فيه انجلب والله محد يصدقني يوم اقوللهم بس حسيت انه كان على ظهره وانجلب وصار على بطنه وعقب بدأ الدفع وربيت الحمدلله
الله يسهل عليج الغاليه
انا نفس حالتج في الثامن والبارحه كان عندي موعد وراس البيبي فوق قالو لا تمشين عشان ما تتيج تقلصات الولاده و ارتاحي مع الراحه بيلف…..
انا بعد خايفه لانه ولادتي الاولي قيصريه وان شاء الله اربي طبيعي هل الولاده
الله يسهل عليج يا رب يقولون ان الحبو زين انتي حبي شوي في البيت يمكن ينقلب