اللهم لك الحمد لعظيم وجهك وجلال سلطانك

اكيد بتقولون هاي شو ياها ^^

حبايب قلبي اللي الله ماكتبلهم الحمل لين الحين هالموضوع لكم تحديدا والنساء عموما ..

اللي ماكملت كمن شهر تبغي تحمل واللي كملت سنه وسنتين وثلاث وخمس وعشر وعشرين

بقولكم قصتي اكشتفت قبل ماعرس بشهرين انه فيني تكيس وماهتميت .. وبعد زواجي بشهر اتاخرت علي الدوره اسبوعين قلت اكيد حامل ورحت العياده انا وامي وماخبرت ريلي قلت بخليها مفاجاه وسويت فحص الدم وقالتلي النيرس اتريي تميت يالسه انا وامي واقولها انا خايفه اكون حامل وخايفه ماكون حامل وفرحانه واتخيل كيف ابشر ريلي جان اتقولي النيرس (سوري مدام مافي همل) زعلت شوي وطنشت وعقبها ب سنه قلت بروح اعالج عالجت كذا شهر كلوميد وابر والله مارزقني كل مره تتاخر الدوره واقول حامل ومايطلع حمل .. عقب اكتشفنا انه ريلي فيه ضعف ..

نحن انشوف محلات بيبي نتمنى اللحظه اللي نشترى لعيالنا فكرنا ف كل العالم الوردي والازرق انا وريلي كل مانمر محلات اطفال بدون مانحس ندخل ونحن ساكتين وانطااااالع الاغراض ونبتسم ونظهر ..

وطبعا انتوا عارفين التنغيزات فلانه عرست عقبج وحملت .. هااااه مافي شي ف الدرب .. هاااه شو يديدج ؟؟ هاااه ماحملتي ؟؟ وانا ابتسم واقول الله ماكتبلي وف خاطري اتقطع بس اقول الحمدالله

في الشهر اللي بكمل فيه سنتين سويت اطفال انابيب وصارتلي مضاعفات وتعبت والنتيجه تقريبا بتكون ف يوم زواجي قلت ان شاء الله اكون حامل وابشر زوجي ف نفس اليوم ..طلعت النتيجه

اني مب حاااامل ولله الحمد ..اللهم لك الحمد لعظيم وجهك وجلال سلطانك ..
اتقبلت الخبر ومازعلت وعرفت انه خيره لي واعرف اني الله بيعوضني تعبي خير ان شاء الله

لاتنسين

انه الله يحبنا اولا لانه ابتلانا بشي عظيم ويختبر صبرنا .. رحمة الله تتكون من 100 رحمة,, ف الدنيا رحمه وحده بس وفالآخره مدخرلنا 99 رحمه ..الله ارحم علينا من امنا وابونا ربج يبيلنا الخير .. كم من ولد عاق والدينه ومعذبهم وكم من طفل مريض اهله يراكضون المستشفيات وكم من طفل يولد معاق كلهم محتسبين الأجر عند الله ..

خلي عندج يقين انه الله بيرزقج قريب ..

قال الرسول
(( أنا عند حسن ظن عبدي بي, فليظن بي ما شاء))

كم من المتأخرات ربي رزقهم بعد سنوات اكيد بيي يوم والله بيطعمج هالفرحه بس متى لا تستعلين ..

الله يرزق جميع المتاخرات والمحرومين من الذريه ..

~همــــــــــسهـ~

انا يكفيني قول ( وَبَشِّر الصَّابِرِيْن ) وانا متأكده بإذن الله تعالى انه الله بيرزقني قريب وببشركم ..