لأول مره أوقف في ويهها وأقوول لالالالا

شحالكم ؟؟ عساكم الا بخير وسهاله

اليوم ولأل مره انفجر في ويه الدكتورة واقولها ما تمشين كلامج عليه نقزولي الشياطين الحمر
شكلكم ما فهمتوا خخخخ يالله الحين بكتب لكم قصتي

الله يسلمكم انا معرسه من سنه و10 شهور بعد ما كملت 6 شهور قررت اني اعالج عن تاخر الحمل
سرت عند الدكتورة اوراس قالت ماعندج شي وبعدها عند ناديه قالت احتمال عندج تكيس قلتلها اوكي عالجيني قالت لالا بسيط ما ياثر وقلتلها والعلاج قالت كلوميد طلعت وما رديت وبعدها سرت عند ماريانا وقالت عندج اكياس عند عنق الرحم والعلاج قالت مضاد حيوي وتحاميل استخدمتهم وبعدها تمت تهزلي راسها وما اجاوب على اسئلتي جني اشحت من عندها بيزات (( استغفر الله ))وطلعت بدون رجعه

انزين والحين تبون اتعرفون منو اخر دكتوره سرتلها الا وهي بشيرة
طبعا كشفت عليه وقالت عندج تكيس وعلاجه يباله وقت قلت يالله اوكي الصبر جميل
و انا يوم سرت عند بشيرة كنت مكمله سنه بالضبط آآآآآآآآآآه
يحليلها عالجتني ما قصرت ما اقدر اظلمها بس هالشهر انا مب مقتنعه فالعلاج ابداااااااااااا
قالت التكيس راح والشهر اللي طاف قالت خل اريحج من الادوية واجوف المبيض شو بيطلع لنا من البويضات سرتلها اليوم 16 من الدورة طبعا المبيض ما وحاله يرتاح وطلع اكبر بويضه 14 ملم
يحليله زين منه

والقهر قالت هالشهر كلووووووووووووووميد (( السم )) ما احبه
قلتلها ما ابا قالت عندج شيئين يا اعطيج كلوميد او برايملوت طبعا كل واحد عكس الثاني الكلوميد ينشط والبرايملوت يريح المبيض عشان ما تطلع بويضه اما الشهر الياي ابدا معاج ابر من 2 يوم للدورة
قسم بالله اني انقهرت وتميت اصيح واخمس في مكاني وحسيت انه عرج في راسي انفجر
قلت لها ماااااااااااااااااا ابا كلوميد قالت راح تحملين ان شاء الله انا مب مقتنعه يحليله ريلي كسر خاطري قال لها خلاص دكتورة اللي تبينه وانا اقوول ما ابا يعني ما ابا مصره
وانقهرت زياده يوم قالت هدي نفسج لان السكر راح يرتفع وندخل في مشاكل ثانية لان فيه السكر واونها ما تباني اعصب يوم تخافين على صحتي اسمعي كلامي هههههه
وريلي تم يقنعني طول الطريق يقول اخذيه اخر مره جوفي شو يستوي وانا افكر !!!!!
شو رايكم اخذه والا لأ؟؟