[CENTER]السلام عليكم خواتي
بدخل في الموضوع على طول انا حامل وان شا الله بكمل شهرين عقب اسبوع وبدج في الثالث
مشكلتي خواتي اني اعاني من الام مستمرة في منطقة الرحم ويوم خبرت الدكتورة قالت انه في كيس هو اللي مسبب اللي الآلام هذي ،،وقالت ان الكيس وجوده عادي وقت الحمل وهو راح يطلع من نفسه وقالت يمكن راح يطلع عالشهر الياي كيف مادري
المشكلة خواتي اني كل يومين لازم اتعب دوخة مستمرة وإحساس بالنوم دايما ووجع في الرحم اضافة الى اني كل ما آكل شي احس بانتفاخ فظيع في المعدة خبرت الدكتورة وعطتني دوا حق المشكلة هذي ولكن الموضوع مستمر
علما ان الجنين بخير ونبضات قلبه زينه بس ماعرف سبب المشاكل هذي
اتمنى من الخبيرات يفسرون اللي قاعد يحصل لي
او اذا وحدة مرت بنفس التجربة تخبرني على لاقل وجزاها الله الف خير
والله ما عندي فكرة
والله يشفيج غناتي ويتمم حملج ع خير ان شاء الله
وانا بعد أحمل ادعو لي خواتيه
المشاركة الأصلية كتبت بواسطة زهرة عيمان 
والله يشفيج غناتي ويتمم حملج ع خير ان شاء الله
وانا بعد أحمل ادعو لي خواتيه
مشكورة اختي عل مرور الطيب والله يحقق مبتغاج ان شا الله
ربي يثبت حملج غاليتي
^_^
وان شاء الله الخوات مايقصرن 
اقري ع زيت زيتون الرقيه الشرعيه وامسحي بطنج ولا تتحركين وايد بيخف وخلي حركتج خفيفه موب بقوه
والدوخه والرقاد شي طبيعي
والكيس يروح مع الحمل في الشهر الرابع والثالث
الله يثبته والله يعوضني
والله ما عندي فكرة
والله يشفيج غناتي ويتمم حملج على خير ان شاء الله
انا اعاني من نفس الاعراض تقريبا (ما عدا الانتفاخ بعد الاكل) … اصلا ما اشتهي الاكل واحس دايما بلوعة بس ما ارجع … والدكتورة عاطتني اجازة وقالتلي لا تتحركين ولا تسيرين مكان ولازم ترتاحين … وعن الكيس انا بعد عندي وقالتلي انه اصغر عن الكيس الاول ويمكن اذا الله راد يبدا يكبر ويكتمل ويستوون توام … فانتي تحملي على عمرج وارتاحي يمكن تكونين حامل بتوام وانتي ما تدرين …
الله يثبت حملنا جميعا … ويرزق كل محرومة …