هلا بنات حواء شخباركم
الموضوع اني سويت فحص قبل الدورة باسبوع وبين عندي بس خفييييف واايد وكان الموجب شرات خط الشعرة وبعد 3 ايام عدت الفحص وبين واضح بس نزل مني افرازات بنية عقبها نزل مني دم بس الحمدلله الحين ماشي افرازات عادي
سرت الدختر اطمن لاني حملت قبل وطاح قالو مستحيل ايبين الحين بس خذو مني دم وسوولي سونار بس المفاجاة انهم لقو فيني جنين ينبض عمره تقريبا 7اسابيع وقالو احتمال يكون حمل خارجي الله المستعان مع انه يتني الدورة الشهر الي طاف وقالو بياخذون دم مرتين عسب يشوفون الهرمون يرتفع ولا ينزل والموعد بعدهيعني ماعرف شي للحين
قريت عن هالنوع من الحمل فالنت بس ابا حد يفيدني اذا حد منكم سمع عن هالموضوع او عنده خلفيه
وااخر شي قالت النيرس احتمال لاتخافيين كيف ما اخاف وهالشي مب طبيعي واخطاره وايد بعيد الشر ان شالله
انشالله القى الافادة منكم
للعلم اني بعدني صغيرة يعني ماوصلت24
بنات الله يبعد الشر عني وعنكم الي تقرا موضوعي تدعيلي بظهر الغيب اذا مافيها تكتب
والحمدلله على كل حال
لاتحاااااااااااااااتين واللي ربي سبحانه وتعالى كاتبه هو اللي بيصير .. تصدقي وأستغفري وان شاء الله ماتشوفين الا كل خير يارب …اختي حملت خارج الرحم والحمدلله عااااااااااااادي نزلوه والحين مافيها شي يارب لك الحمد .. ويمكن يكون حملك مثل حمل امي .. اسمه الحمل الغزالي كانت امي تجيها الدوره عادي كل شهر وماتعرف انها حامل الا بدوخه بسيطه ووحم خفيف لكن ماتوقعت انها حامل الا بعد ماكبر البطن وراحت المستشفى قالو حامل وحملك يسمى الحمل الغزالي يعني تجيها الدوره كل شهر وهي حامل عادي سبحان الله ..
طمنينا عليك
ماعندي فكره بس حميتي كانت حامل خارج الرحم وفي المستشفى عقولها بس ماعرفو من البدايه كان دوم ينزل منها دم وقالولها خلاص طاح وعقب قتره تعبت ودوها المستشفى وقالو خارخ الرحم وعقولها تفالو خيرا تجدوه ليش اتفكرين اصبري وانشالله خير
المشاركة الأصلية كتبت بواسطة ام شما 
حبيبتي انا الجنين ينبض يعني احتمال ينمو اكثر والي قريته فالمواقع عن هالحمل بصراحة خوفني وايد
وشكرا على ردج تسلمين الغالية
المشاركة الأصلية كتبت بواسطة fashions طمنينا عليك
هلا اختي شكرا طمنتيني مع اني بعدني خايفة بس اختج الجنين عندها كان فيه نبض؟
بس ماكنت اعرف والدكتورة شخصت انه حمل عادى من تحليل البول
كل ماعليك انك تتاكدى من تحليل الدم ولازم ينعمل كل 48 ساعة لانى فى حمل التانى والتالت كان لازم اروح اتاكد كل 48 ساعة من النتيجة لحد مااطمن
انه حمل سليم ودة طبعا بترجع للنسبة
وانا فى الحمل الاول رحت المستشفى فى حالة طارئة
عشان كدة شالولى انبوب من قنوات فالوب
لانه كان للاسف كبر فية وعمل نزيف حاد بس داخلى وانا ماكان ينزل عليا دم ولا شىء
بس يوم رحت للمستشقى جالى حال قىء واسهال فظيع وطحت
عشان كدة كان الموضوع صعب
بس دلوقتى لما ينعرف بدرى بيكون سهل عليهم ينقذو الانبوب ودة طبعا احسن
ويسحبو الجنين
بس ابشرى شكله اللى عندك مش حمل خارج
لانه لية اعراض
وهى مش عندش
ومعلش طولت عليكى
وتفائلى وتوكلى على الله
انا تحت امرك
وفى الخدمة وان شاء الله يتم عليك حملك بسلام