اللي عندها خبره بالدوفاستون تدخل بلييييييييييييييييييييييييييز

انا محتاره بأمري وااااااااااااااااااااايد..بخبركم عن حالتي وانتوا خبروني بخبرتكم ومعرفتكم..والله يجزيها خييييييييييير ويرزقها الذريه الصالحه اللي تساعدني في موضوعي..

بناااااااااااااااات انا صارلي 7 شهور متزوجه وللحين الله مارزقني بحمل (والحمدلله على كل حال) وانا راضيه بأمر ربي..بس قلت لااااازم اروح واطمن على عمري انه كل شي اوكي…

سرت عند الدكتوره وقالتلي كل شي سليم ماعدا جدار الرحم سميك شوي (للعلم انا دورتي منتظمه اتي تاريخ 21 من كل شهر الحمدلله) ..وعقب قالتلي بعطيج دوفاستون تاخذينه لمدة 10 ايام عسب تعالج بطانة الرحم واذا شي حمل اتثبته..

المهم انا خذت الحبوب والبارحه خلصت العشر ايام..

الحين سؤالي هو:

بما اني وقفت من الدوفاستون هل الدوره بتنزل علي الحين خلال هالأيام اليايه ولا بتنزل بموعدها كالعاده تاريخ 21..؟

والسؤال الثاني انا مضطره آخذ الحبوب اللي تأخر الدوره لأني مسافره الأسبوع الياي العمره ان الله راد..واسم الحبوب اكيد الكل يعرفها Primolut وانا اللي ابا اعرفه اقدر آخذ هاي الحبوب حتى لو كنت توي موقفه حبوب الدوفاستون يعني عادي ما يسبب لي اعراض او شي لا سمح الله؟ ومتى تنصحوني آخذها الحينه على طول ولا اتريا 3 او 4 ايام اتريا الدوره (لأنها اذا يت خلا 3-4 ايام عادي بتخلص قبل السفر لكني انا اخاف انها اطول وانا اترياها..وماعرف اذا هي بتنزل ف موعدها ولا حبوب الدوفاستون بتلخبط جدولها …بليز ساعدوني..

للعلم: انا سويت فحص حمل وطلعت مب حامل..والحمدلله على كل حال..

والسموحه اخواتي ادري اني طولت عليكم بس شو اسوي مالي حد غيركم..