اخواتي العزيزات كل مرة نكتب عن التأخر بسبب التكيس او ضعف الاباضة او الالتهابات او او او كلها تخصنا نحن الحريم ,,,, بس في حالات ان الزوج يكون فيه عيب يأخر الحمل مثل ضعف الحيوانات المنوية او ضعف حركتها او قلتها او بعضهم يعاني من الدوالي…. ممكن من الي مرو بهالتجربة يشرحون لنا شو صار وياهم وكيف كان تشخيص الطبيب وكيف كان العلاج وهالسبب كان في تأخر الحمل,,,,
عن تجربتي ريلي مكان يقولوله في عندك دوالي ويراجع مكان ثاني يقولون لا ما فيك شي ومكان يقولون له ضعف الحيوانات المنوية اتسبب العقم ومكان ثاني يقولون مب لهدرجة عشان جي ابا استفيد من تجاربكم عشان الكل يستفيد
مرحباا اختي .. انا عندي تكييس مبايض .. بس بالنسبة لزوجي بعده ما سوى فحص .. وكل ما اقوله يقولي خله نفتك من التكييس بعديين يصير خير ..
السموحه فديتج ما اروم افيدج .. ان شاء الله الاخوات ما بقصرن ^^
ماعندي فكرة الغلاااا
الغاليه انا وريلي رحنا نفحص انا الحمد لله ماطلع فيني شي بس عندي افرازات بسيطه في الغده الدرقيه ,, يعني الغده الدرقيه عندي تشتغل اكثر من المطلوب بس هالشي مايأثر على الحمل والهرمونات الحمد لله زينه وماحتجت اي ادويه هالكلام من تقريباً 6 شهور ومارحت افحص مره ثانيه ..
اما ريلي طلع عنده دوالي وعلى طول سوا عمليه واحين يتعالج على الابر و الحبوب والحمد لله على كل حال حاله افضل ابوايد عن السابق وعلى كلام الدكاتره حالياً حالته ماتأثر على الحمل وفي مجال احمل ولله الحمد ,,,
واحنا نتريا والله يرزقنا ويرزق كل محرومه الذريه الصالحه عاجلاً غير آجل ..
هلا حبوبة.. في البداية كانت عندي مشكلة التكيسات وضعفها .. وكانت عندي الدورة غير منتظمة.. لانه هرمون الحليب كان مرتفع… والحمد لله تعالجت واهم شي اني سويت رياضة ولين الحين اسويها .. بشكل يومي تقريبا.. واخذت حبوب كلوكوفاج.. لاعادة ضبط هرمون الانسولين..
المهم ريلي فحص عقب عناء طويل معااااه و ..و .. و … هههههه الخ…
المهم من فحص 3 مرات.. قالو له عندك ضعف في الحيوانات المنوية وبطئ في حركتها.. وطبعا عددها ما يتعدى المليون ونص.. المهم قالو لنا سوو اطفال انابيب.. وكل شهر نبغي نسويه سبحان الله كانه شي يبعدنا !!!.. المهم كانت اخر مرة على شهر 5 على اساس اني اسوي عملية اطفال الانابيب ومجهزة الاوراق وكل شي.. بس الله كتب انه كم من يوم قبل من دورتي ياني اسهال وترجيع شديد.. وكانت الدورة متاخرة عليه كم يوم.. وسرت عيادة العائلة في دبي.. واول شي قالو نسوي فحص حمل وماعرف شو.. للتاكد عشان ما يعطوني اي دوا.. المهم سوو وكل شي وطلع سالب طبعا كالعادة بس عااااادي ^__^>> الحمد لله على كل حال..
المهم خبرت الدكتورة انه ريلي فيه كذا وكذا وكذا.. قالت لي انتي وريلج بعدكم صغار حرام تسوين انابيب وانتي توج معرسة من سنة.. اصبري يمكن فيه امل بنشوف 3 شهور او 6 شهور يمكن له علاااااج وعقب اذا لا سمح الله مافي اتوكلو وسووو عملية الانابيب.. المهم كتبت الدكتورة دوا حق ريلي .. هم 3 انواع من الادوية واااحد منهم مكتوب عليه لزيادة النطاف.. والباقين جي اشكالهم مثل حبوب زيت السمك.. المهم ريلي حاليا ياخذهم وقرر من يخلص الدوا يسوي فحص شامل من اول ويديد للحيوانات المنوية.. في تحسن والا لاء؟؟ و بتشوف الدكتورة وبتشخص حالته و بتشوف شو بتعطيه من علاج الحبوب والابر.. واذا ماصار بنلجأ لاطفال الانابيب.. ولله الحمد
بس ريلي الحمد لله مافيه اي التهاب او دوالي الحمد لله ماشاء الله عليه.. اللهم المشكلة في الحيوانات المنوية من حيث ضعفها وبطئ جركتها وقلتها..
طبعا فوق هذا بخليه ياخذ مريمية وانا طبعا اخذ مريمية .. لانها تزيد من فرص الحمل بشكل كبير وطبعا كله بعد التوكل على الله سبحانه وتعالى وكثرة الاستغفااار..
والسموحة
اتمنى اني افدتج اختي العزيزة..
الله كريم والله يكتب الي فيه الخير بس سالفة الدوالي يبالنا نتأكد عند دكتور ثالث لأن واحد قال اوكي والثاني قال لأ
وهو مشكلته بس في حركتها وياخذ ادوية من هالنواحي ريلي متفهم وما يعاند بس يالسة من فترة اقترح عليه يراجع الدكتور سمير السامراني لاني سمعت وايد يمدحونه
مشكورات اخواتي الي التفاعلوا ويا موضوعي وفادوني
لررررررررررررفع