فالتاسع وراس الجنين فوق

هلا خواتي
بغيتكم اتساعدوني … انا من 3 ايام داخله التاسع وراس الجنين فوق الدكتورة قالت لي خلال اسبوعين اذا مانزل عمليه … شو اسوي قالولي المسح مايصير بالتاسع .. قالولي احبي واسجدي وسويت هالشي من اسبوعين وانا مداومه على جي بس اليوم رحت العياده نفس الشي …
منو مرت بجي مرحله اتقولي شسوي ؟؟؟؟؟

ليش عقب اسبوعين .. هاي دكتورتج غريبة .. لو ما نزل لين الموعد يسوون لج عملية بس بعده شهر جدامج وان شالله بينزل…

خلي مواعيدج كل اسبوع عشان تتطمنين .. وسوي اللي قلتلج عليه .. ولا تنسين تمسحين على بطنج دوم وتقرين عالبيبي وتدعين الله ايسر له و تعتدل وضعيته..

ان شاءالله بسوي جي .. والله مادري الدكتورة بمستشفى دبي قالت لي جي .. واليوم رحت العياده الدكتورة قالت نفس الكلام ان البيبي شكله ما بينزل مادري والله .. بس شكلي بتريا موعدي ومابسير لهم المستشفى وبسير بعد كل اسبوع العياده بس ..

جزاج الله خيرا

حبيبتي شعرفهم هم انه البيبي ما بينزل.. اصلا وايد ناس البيبي ما ينزل عندهم الا في الثامن او اخر الثامن او التاسع ..

ان شالله .. الله ايسر عليج حملج ويسهل ولادتج وكل شي يستوي طبيعي..

آآآآآآآآآآآآمييين … انا ماعرف هالامور لان اول حمل لي … وقالولي لازم من ادش التاسع الراس تحت …. مشكووورة عالنصايح اختي وبسويها ان شاءالله

اختي اف إم جنج يالسة اتقولين قصتـــــــــي .. مثل سالفتي بالضبــــــــــــــــــط .. وموعد عمليتي بعد اسبوع بإذن الله ..

أنا فالتااسع .. كان عندي قبل اسبوع موعد فمستشفى الوصل وراس البيبي فوووق وقالتلي اسبوعين اذا مانزل بنسويلج عملية وعطتني تاريخ العملية 30-4
انا الحين متوكله على الله .. استخرت وارتحت الحمدلله ما اعتقد الدكاتره بيسوولي شي مب زين .. يعني هم ادرى منا .. ودامج دخلتي فالتاسع انشالله خيـــــــــــــــــــــــــــــــر ^.^
انتي اتوكلي على ربج وخلي كل شي بإيـــــده صدقيني بترتاحين .. مع اني يوم سمعت هالكلام من الدكتوره حسيت انه حد صفعني على ويهي من الصدمه .. وقالتلي بعد لاتسيرين عند حد عسب ينزل الراس انتي فالتاسع مب زين .. بس يلله ماعليه اهم شي انقوم بالسلامه ونفرح بشوفة نونوينا .. انا نفسج بجر وماعندي فكره عن شي بس الحمدلله على كل حال

حرم الحارثي والله انتي نفسي يعني .. انا ان شاءالله ليوم العمليه بسوي اللي قالولي اياه اسجد و احبي وانتي بعد …. لله ايسر علينا وينزل البيبي ونربي طبييعي ….