قصتي مع الحمل .بعد ثلاث سنوات

اشحالكم بنات ….مابي اطول عليكم بس ابي اخبركم بقصتي ع السريع انا صارلي متزوجة تقريبا 3 سنوات وللاسف ما صار حمل واتعالجت عند 8 دكاترة بالفجيرة ولا وحدة منهم فادتني رحت عند دكتورة في بوظبي بس ما اذكر اسمها قالتلي فيج قرحة وانتي ما تدرين ….

وانا تبون الصدق اعاني من الالتهابات من انا وصغيرة …بس كان فييني قرحة في الرحم وانا ما ادري ؟؟؟؟؟

المهم رجعت الفجيرة عشان اسوي كوي للقرحة وقلت بروح المستشفى وامري لله وانا في طريقي شفت عيادة نساء اسمها عيادة السلام فوق البنك التجاري الدولي قلت خليني ادخل واتاكد ما بخسر شي دخلت …

الدكتورة اسمها ايمان وصراحة ما شفت احد اطيب منها ولا في علمها تشرح لج كل شي ولا تخش عنج شي ابد حتى لما كنتي اتييبين عيال اتقول لا تحاولي …

المهم شافتني وصدمتني الحمد لله اني رحت لها قالت انتي عندج قرحة خفيفة اتروح بالتحاميل ….
انصدمت هذيج قالت لي اتروح بالكوي المهم اتعالجت عندها كان هالكلام شهر 6 وعطتني حبوب وابر بعد ما راحت القرحة في 7 ايام ..بعدها سوت لي تلقيح اصطناعي اول مرة مانفع ثاني مرة حملت بس ما اكتمل نزل لي نزيف وراح الياهل زعلت زعل من الخاطر بس قالت لي لاتخافي اثر الكلوميد يبقى شهرين روحت البيت وما رضيت اسوي تلقيح اصطناعي مرة ثالثة يعور صراحة ….

المهم طنشت واتاخرت الدورة 10 ابام واكتشفت؟؟؟

اني حامل وفرحت فرحة بس زوجي ما فرح خيفان وايد انه ما يبقى بس الحمد لله حملت طبيعي هذا بفضل الله واقولكم يا بنات اتوكلوا على الله انا كل شهر كان يمر وما اطلع حامل اقول الحمد لله الله حبني يمكن اذااخرت احمل والحمد لله ..الله يسر لي اموري والحين انا مستانسة وانا في اخر الرابع وعقبالكم تفرحوا ….

اسمحولي طولت عليكم …

اختكم anna