مرحبا بنات انا بغيت اسألكم عن وحده اذا كانت ماخلصه الشهر الأول
واتحس انها تكره غرفتها يعني ماتحب تيلس فيها ( للعلم اهي عندها عرفه وحمام فقط بيت اهل زوجها)
وماكانت تشتكي من اي شي بس الحين في هالفتره اتحس الغرفه اتضيج بها واتصيح ما تبا تيلس فيها
السؤال : هل هو هذا الوحام ؟؟ الاني سمعت انه توه الناس ع الوحام ..؟؟
انتوا شو رايكم بليييييييز ابا اشوف ردودكم
كل وحدة علي حسب تأثير الهرمونات علي جسمها ونفسيتها …….
انا في اول حمال لي كرهت اليلسة في الشقة وكنت دايما اسير بيت اهلي وكنت نفسيا تعبانة من المكان ومتضايقة وكنت حساسة زيادة عن اللزوم علي اقل كلمة اصيح … لعوزني ها الوحام وما خاز الا في نهاية الشهر الثالث
اغراض الوحام التقيؤ والحمى العوار الظهر حبيتي انا عايشة عند اهل زوجي غرفة حمام الصالة مرتاحة وايد
اختي انا نفس الشي .. عانيت من الوحام لدرجة اني كرهت ريلي وكرهت الغرفةوالله العظيم اني كرهت لون الغرفة بكبرها !! سبحان الله ..انا وحامي زفت زفت .. بصراحة وعانيت منه وما خلصت الا بداية الرابع .. وكان على ايام رمضان شوفي المعاناة كيف !!
وكرهت اني اسمع صوت ريلي ولا احد بالبيت ماكان لي نفس اقعد مع اي حد ولا اشوف حد مش طايقة اسمع صوتي ..
الوحام درجات اختي ،، سبحان الله وكل حرمة وتأثير الوحام على نفسيتها …
خخخخخخخخخخخخخخخخخ انا متوحمه على العصبيه اظني كل الوقت معصبه
الله يعين
عاادي خيتووو يصير انها تكره غرفتها
انا عن نفسي كرهت شقتي لدرجة ان ريلي لغى العقد واجرنا بيت …
الوحام يبين بعد 40 يوم من الحمل
بس هرمونات الحمل تكون لها دور بالنفسيه
الله يعينج
ذكرتيني بأيام الحمل
عفت كل شي
وكنت أصيح وااايد بدون سبب
استغفري ربج وصلي ركعتين وادعي الله