السلام عليكم اخواتي
اخواتي انا فيني غصة من مستشفى الوصل … الين متى مستشفياتنا فيهم الاهمال والانعدام الخبرة الاطباء ..
اخواتي اسبوع طاف سرت مستشفى الوصل علشان اسوي تحليل وابي اعرف شو سبب الدوخة واللوعة من اسبوع ظهرت عليه …
كنت مقتنعة اكون حامل بس كنت مستغربة كيف حامل وانا ما طافت عليه موعد الدورة …
وانا يتني شهر سبعة دورة عادية مثل اي حرمة …
وبعد تحليل عرفت اني حامل في اسبوع سابع … دكتورة شافت الجنين قالت لي عادي كيس ماي بس ما شي نبض… انا استغربت … هذي مب اول مرة احمل فيها… كيف ماشي نبض…
انا اللي اعرفه بعد اخصاب ب اربعين يوم يتكون قلب الجنين … قلت كيف جنين اسبوع سابع وانا ياتني دورة قبل اسبوعين .. قالت لي عادي انتي دورتج مب منتظمة …
والله اني فرحت وفرحت بو شباب وياي .. كنت متحملة وااايد على عمري…
وعطتني موعد في عيادة حمل المبكر بعد اسبوعين …
وبعد يومين اشوف عمري انزف رحت مستشفى خاص … وخذوا مني تحاليل علشان نسبة هرمون الحمل في جسمي …
وبعد ساعة طلعت النتيجة قالت لي انتي حامل في اسبوع سادس .. وكمية الدم اللي ينزل منج وااايد يخوف …
وبعد ربع ساعة خذوا مني صورة الجنين الدكتورة قالت لي الجنين ميت في بطنج من زمان
وحتى الدم في كيس الجنين مايل اللون الاسود.. وانا كيف جذي .. قالت انتي في شهر سبعة كنتي حامل والدورة اللي يتج هذي كانت انذار لاجهاض ..
قلت شو … اجهاض كانت ما كانت دورة … قالت ما عرف دكاترة مستشفى الوصل ليش قالوا جي …
واليوم الثلاثاء سويت تنظيف وكانت تنظيف خطر عليه علشان كيس الجنين نزل منطقة عملية قيصريه … وقت التنظيف نزفت وااااااايد وصل الهموقلوبين في الدم 7 بعد التنظيف…
والله دكاترة مستشفيات خاصة يحطونج فوق راسهم … ويهتمون فيج وااايد…
بس…. فيني قهر وغصة من مستشفى الوصل … مستشفى معروف في البلاد … وجذي مستوى دكاترتهم …. قلت في نفسي ابدا ما بسير مستشفيات حكومةالين يغيرون مستويات دكاترتهم … الله يعين.. وعوضي على الله … الله كريم … الحمدلله على كل الحال…
الحمدلله … الحمدلله …الحمدلله …
الحمدلله على سلامتج الغالية ..
والله ما اعرف شو اقول لج .. بس كله بيد رب العالمين
هذيل بشر يمكن يغلطون في التحليل والاسباب ..
توكلي على الله …
المشاركة الأصلية كتبت بواسطة Om 7aMda 
والله ما اعرف شو اقول لج .. بس كله بيد رب العالمين
هذيل بشر يمكن يغلطون في التحليل والاسباب ..
توكلي على الله …
مشكورة على ردج الغالية .. راضية اللي استوى … عسى تكرهوا شيئا فهو خير لكم …
الحمدلله على كل الحال…
انا مب راضية مستوى دكاترة في الوصل.. الين متى الاهمال وشكاوي عليهم …
علشان جذي ارتفعت مستوى مستشفيات خاصة في البلاد … مب علشان بيزات .. علشان يهتمون بمريض خبرتهم في اختصاصهم يخلي مريض يثق فيهم …
غناتي انا يوم حملت ما بين نبض الجنين..بس في تحليل الدم امبين اني حامل..
نوموني عندهم وبين كل يومين يسوون لي تحليل الهرمون مال الحمل والنسبه تزيد والنبض لحد سابع يوم من تنويمي ما بين بس الكيس اهو اللي بين..يعني تعرفين كم كملت تقريبا شهرين وبعدين بين النبض..
انا صارتلي هالحاله بواحد من عيالي والحين حملي هذا..
الله يعوضج الغاليه..
الله يعوض عليج خير غلاتي . .
المشاركة الأصلية كتبت بواسطة 3yo0on_Al_Maha نوموني عندهم وبين كل يومين يسوون لي تحليل الهرمون مال الحمل والنسبه تزيد والنبض لحد سابع يوم من تنويمي ما بين بس الكيس اهو اللي بين..يعني تعرفين كم كملت تقريبا شهرين وبعدين بين النبض..
انا صارتلي هالحاله بواحد من عيالي والحين حملي هذا..
الله يعوضج الغاليه..
الله يخليج لج عيالج ويحفظهم بحفظ الرحمن … اللهم امين
تربين بالسلامة ان شاء الله…
والله كريم ان شاء الله… الله يعوضني بخير … الحمدلله ..
ماتشوفين شر أن شاء الله
الله يعوضج