لو سمحتوا ابا اعرف متى فتره الاخصاب؟
حبيبتي دشي عالموقع ما عليج الا تكتبين متى اول دورة لج وكم طول الدورة عندج وبحسب لج http://www.sehha.com/medical/pregnancy/conceive.htm
تبدأ فترة الاخصاب بعد الدوره من اليوم السابع حتى اليوم الثالث عشر ..ويكون الأفراز لونه شفاف وهاي من علامات فترة الاخصاب
الغاليه الدكتور ابخبرتني ان فترة الاخصاب تبدأمن اليوم 12من الدوره لين اليوم 18 هذي الفتره يستوي حمل..
شرح بسيط:
اول يوم الدوره من تاريخ1/9 لين 11/9 هذي فترة الدوره حتى لو كانت دورتج 5او7او10ايام..
وفترة الاخصاب من 12/9لين 18/9 هذي فترة الاخصاب يعني يستوي حمل..
وفترة من 19/9لين الدورة الثانيه مايستوي حمل ..
والله اعلم..
مشكورين
ا ام سلامه يعني احسب من تاريخ اليوم الي يتني فيه الدورة بعشره ايام عقب تكون فتره الاخصاب؟
يزاكم الله خير عالمرور والرد ^_^
انا اللي اعرفه انه اليوم ال 14 هو احسن يوم للحمل
الدكتور اللي ف الجامعه جي قالنا ,, والله اعلم
ففي .. 10و11و12و13و14و15و16و17و18 كلها فترات للخصوبه لكن هالأيام تختلف من وحده للثانيه
على حسب مواعيد الدوره شي حريم تيهن كل 25 يوم وغيرهن كل 26 يوم أو 27 أو 28 أو 29 أو 30 فهالشي هو اللي يخلي درجة الخصوبة عندج غير عن غيرج من الحريم -تخبرني وحده من الحريم إنها حملت ف اليوم الـ20 من دورتها ووايد استغربت من هالشي رغم إن الخصوبة في هالفتره عادةً تكون منخفضه لكن الله له حكمة ولكل قاعدة شواذ فمب شرط إن خصوبتكن تكون عاليه في نفس الفترات
بس اللي تبا تحمل تتوكل على الله ويستحسن تكون المعاشره يوم هيه ويوم لا خلال الثمان أو التسع أيام ابتداءً من اليوم العاشر أو 11 من وقت نزول الدورة
احسبن بهالموقع أحسن http://www.sehha.com/medical/pregnancy/conceive.htm واقرن النصايح اللي ف الصفحه عل وعسى يفيدنكن يالغاليات
عساكن موفقات يارب