السلام عليكم
اشحالكم
بخبركم عن حالتي واتمنى اللي عندها اي معلومة تخبرني
من كم يوم سرت عن الدكتورة وقالتلي إنه حجم البويضة بعدها صغييرة وتعالي بعد يومين عسب اشوف اذا البويضة بيكون حجمها طبيعي ولا لأ … وفي المرة الأولى خبرتني إنه عندي تكيس فالمبايض لكنه خفيف
واليوم يوم سرت لها … شافت إنه البويضة الحمدلله حجمها زين وما احتاج أي ادوية وممكن انها تتلقح
لكن يوم سألتها عن التكيس وقلتلها شو الحل وشو العلاج ؟؟ قالت دام إنه البويضة حجمها زين واوكي ما يحتاي انج تعالجين التكيس وبنركز اهتمامنا على البويضة (( يعني دام الإباضة عندي زينة اي شي ثاني ما يهم ))
مب عارفة اذا هي كلامها صح ولا كيف ؟؟
وهذي ثاني دكتورة تقولي هالكلام … الثنتين قالولي الإباضة زينة وما عليج من التكيس 
بس انا مب عارفة اصلا شو التكيس وهل ممكن إنه يضرني فالمستقبل ولا شو ؟؟
اللي عندها اي معلومة أو إفادة وخبرة ياليت تطمني ^^
لا تخافين اختي دام الاباضة زينة و حجم البويضة مناسبة للتلقيح خلاص ما عليج ان شاااء الله كل الامور خير … وربي يرزقج ان شاء الله بالذرية عاجلا غير أجل يااااارب
نفس كلام الاخت الجوهرة ولاتاحتين طالما التكيس بسيط احتمال تخف بروحه مع الحمل انا جذية الدكتوره قالتلي
والله يرزقج الحمل بالذرية الصالحه يارب
فديتج لا تحاتين ووكلي امرج لله كل حرمه لازم يكون عندها التكيس خفيف يعني ما يضر الحمل هالكلام خبرتني الدكتوره …..يعني اطمني ان شاء الله
ربي يرزقج الذرية الصالحة اهم شي ما تحاتين
خواتي تسلموون عالرد
طمنتووني الله يطمنكم
والله يرزقني ويرزقكم ويرزق كل محروومة يا رب 
الله يرزقج حبيبتي ويطمن قلبج ان شاءالله